లక్నో: రియో ఒలింపిక్స్‌లో పతకం సాధించిన భారత మహిళా స్టార్‌ రెజ్లర్‌ సాక్షి మలిక్‌ టోక్యో ఒలింపిక్స్‌ ఆశలు ఆవిరయ్యే అవకాశాలున్నాయి. ఏప్రిల్‌ 9 నుంచి 11 వరకు జరిగే ఆసియా ఒలింపిక్‌ క్వాలిఫయింగ్‌ టోర్నీలో పాల్గొనే భారత మహిళల రెజ్లింగ్‌ జట్టును సోమవారం ఎంపిక చేశారు. ట్రయల్స్‌లో సాక్షి మలిక్‌ 18 ఏళ్ల సోనమ్‌ చేతిలో ఓడింది. 62 కేజీల బౌట్‌లో సోనమ్‌ 8–7తో సాక్షిని ఓడించి భారత జట్టులో చోటు దక్కించుకుంది. క్వాలిఫయింగ్‌ టోర్నీలో సోనమ్‌ ఫైనల్‌కు చేరుకుంటే ‘టోక్యో’ బెర్త్‌ ఖాయమవుతుంది. ఒకవేళ సోనమ్‌ ఫైనల్‌ చేరని పక్షంలో సాక్షికి వరల్డ్‌ క్వాలిఫయింగ్‌ టోర్నీ ద్వారా చివరి అవకాశం మిగిలి ఉంటుంది. సోనమ్‌తోపాటు సీమా (50 కేజీలు), అన్షు (57 కేజీలు), నిషా (68 కేజీలు), పూజా (76 కేజీలు) కూడా ఒలింపిక్‌ క్వాలిఫయింగ్‌ టోర్నీలో బరిలోకి దిగుతారు.  


  రియో డి జనీరో: అంతర్జాతీయ చాలెంజ్ ఆర్చరీ టోర్నమెంట్‌లో భారత పురుషుల రికర్వ్ జట్టుకు టాప్ సీడింగ్ లభించింది. వచ్చే ఏడాది జరిగే రియో ఒలింపిక్స్‌కు టెస్ట్ ఈవెంట్‌గా నిర్వహిస్తున్న ఈ టోర్నీలో రాహుల్ బెనర్జీ, జయంత తాలుక్‌దార్, మంగళ్ సింగ్ చాంపియాలతో కూడిన భారత జట్టు క్వాలిఫయింగ్‌లో 1996 పాయింట్లు స్కోరు చేసి అగ్రస్థానాన్ని దక్కించుకుంది. ప్రిక్వార్టర్ ఫైనల్లో 16వ సీడ్ బ్రెజిల్‌తో భారత్ తలపడుతుంది. దీపిక కుమారి, రిమిల్ బురిలీ, లక్ష్మీరాణి మాఝీలతో కూడిన భారత మహిళల రికర్వ్ జట్టు క్వాలిఫయింగ్‌లో 1894 పాయింట్లు స్కోరు చేసి 12వ సీడింగ్‌ను పొందింది. ప్రిక్వార్టర్ ఫైనల్లో ఐదో సీడ్ మెక్సికోతో భారత్ ఆడుతుంది.