బాలీవుడ్‌ నటుడు రోనిత్‌ రాయ్‌ ఫుడ్‌ డెలివరీ యాప్‌ స్విగ్గీపై విరుచుకుపడ్డాడు. త్వరగా ఫుడ్‌ డెలివరీ చేయాలన్న ఆత్రమో, మరేంటో కానీ రాంగ్‌ రూట్‌లో వచ్చాడట. కొద్దిలో అతడిని ఢీ కొట్టి ప్రాణాలు తీసేవాడినే అంటూ ఎక్స్‌(ట్విటర్‌)లో మండిపడ్డాడు నటుడు. మీ డెలివరీ బాయ్స్‌కు రోడ్డుపై ఎలా నడుచుకోవాలో కాస్త ట్రైనింగ్‌ ఇస్తే బాగుంటుందని చురకలంటించాడు. ట్రాఫిక్‌ ఏరియాలో రాంగ్‌ రూట్‌లో.. 'చిన్నగా ఉండే ఎలక్ట్రిక్‌ స్కూటర్లపై ప్రయాణిస్తున్నంతమాత్రాన రోడ్డుపై ఇష్టారీతిన వెళ్లకూడదు కదా.. అది కూడా ట్రాఫిక్‌ ఏరియాలో ఇలా రాంగ్‌ రూట్‌లో ప్రయాణించడం కరెక్ట్‌ కాదు. మీరు వారి ప్రాణాలను పట్టించుకుంటారా? లేదంటే కేవలం వ్యాపారానికే పరిమితమవుతారా?' అని ఆక్రోశం వెళ్లగక్కాడు. దీనిపై స్విగ్గీ యాజమన్యం స్పందించింది. తగిన చర్యలు తీసుకుంటాం! మా డెలివరీ పార్ట్‌నర్లు ట్రాఫిక్‌ నియమాలు పాటిస్తారనే అనుకుంటున్నాం. మీరు చెప్పిన అంశాన్ని నోట్‌ చేసుకున్నాం. మీకు ఇంకా ఏవైనా వివరాలు తెలిస్తే చెప్పండి. తగిన చర్యలు తీసుకుంటాం అని రిప్లై ఇచ్చింది. కాగా రోనిత్‌ ప్రస్తుతం బడే మియా చోటే మియా సినిమా చేస్తున్నాడు. ఈ మూవీ ఈద్‌ పండగ సందర్భంగా రిలీజ్‌ కానుంది. Hey Ronit, we expect our delivery partner to follow all traffic rules and have noted this to be looked into, do share any details if available for the necessary action to be taken. ^Luv — Swiggy Cares (@SwiggyCares) February 25, 2024 చదవండి:  వాళ్ల నాన్నకు చెప్పుకోలేని విషయాలు నాతో షేర్‌ చేసుకుంటాడు.. అలాంటిది..: చిరంజీవి

బాలీవుడ్ నటుడు రోనిత్ రాయ్(58) మరోసారి పెళ్లిబంధంలోకి అడుగుపెట్టారు. తన భార్య నీలం బోస్‌ రాయ్‌ను రెండోసారి వివాహాం చేసుకున్నారు. ఈ వేడుక గోవాలోని ఓ ఆలయంలో జరిగింది. తాజాగా వీరి పెళ్లికి సంబంధించిన ఫోటోలు, వీడియోలను నటుడు తన ఇన్‌స్టాలో పంచుకున్నారు. రెండోసారే కాదు.. వెయ్యి సార్లైనా నిన్నే పెళ్లి చేసుకుంటా అంటూ క్యాప్షన్ రాసుకొచ్చారు.  అయితే వీరిద్దరికి పెళ్లై ఇప్పటికీ 20 ఏళ్లు పూర్తయింది. ఈ సందర్భంగా వివాహా వార్షికోత్సవాన్ని ఘనంగా జరుపుకున్నారు. సంప్రదాయ పద్ధతిలో రెండోసారి పెళ్లిబంధంతో ఒక్కటయ్యారు. మరోసారి తన భార్య నీలం బోస్ రాయ్‌ను పెళ్లి చేసుకుని మధురమైన సందర్భాన్ని గుర్తు చేసుకున్నారు. ఈ విషయం తెలుసుకున్న  బాలీవుడ్ సెలబ్రిటీలు, అభిమానులు ఈ జంటకు శుభాకాంక్షలు తెలిపారు. ప్రస్తుతం ఈ పెళ్లికి సంబంధించిన ఫోటోలు నెట్టింట తెగ వైరలవుతున్నాయి. కాగా.. రోనిత్, నీలం పెళ్లికి ముందు మూడేళ్ల పాటు డేటింగ్ చేశారు. ఆ తర్వాత 2003లో వివాహం చేసుకున్నారు. ఈ జంటకు ఇద్దరు పిల్లలు ఉన్నారు.  View this post on Instagram A post shared by Ronit Roy (@ronitboseroy)


 హృతిక్ రోషన్ హీరోగా సంజయ్ గుప్తా దర్శకత్వంలో తెరకెక్కుతున్న బాలీవుడ్ యాక్షన్ సినిమా కాబిల్. ప్రస్తుతం షూటింగ్ జరుపుకుంటున్న ఈ సినిమాలో ప్రముఖ టెలివిజన్ నటుడు రోనిత్ రాయ్ విలన్గా నటిస్తున్నాడు. అయితే ఇటీవల ఈ సినిమాకు సంబందించిన యాక్షన్ ఎపిసోడ్ షూటింగ్ చేస్తున్న సమయంలో ప్రమాదం జరిగింది. ఈ ప్రమాదంలో రోనిత్ చేతికి తీవ్ర గాయమయ్యింది. తను గాయపడటం వల్ల షూటింగ్ ఆగిపోవద్దన్న ఆలోచనతో కేవలం ప్రాథమిక చికిత్స తీసుకొని వెంటనే తిరిగి షూటింగ్ లో పాల్గొన్నాడు రోనిత్. ఈ విషయాన్ని దర్శకుడు సంజయ్ గుప్తా స్వయంగా తెలిపాడు.
 
 ప్రమాదం జరిగిన తరువాత 24 గంటలు ఆలస్యంగా ఆపరేషన్ చేయించుకున్నాడు రోనిత్ రాయ్. ఈ ఆపరేషన్లో ప్రమాద సమయంలో రోనిత్ చేతిలోకి వెళ్లిన 9 గాజు ముక్కలను బయటకు తీశారు. ఆపరేషన్ తరువాత తన చేతిలోంచి తీసిన గాజుముక్కల ఫోటోను సోషల్ మీడియాలో షేర్ చేసిన రోనిత్ ప్రస్తుతం ఆరోగ్యంగా ఉన్నట్టుగా తెలిపాడు.
  
 
 Surgery went well! 9 pieces of glass embedded in my arm removed! Thank you for your love and good wishes. pic.twitter.com/bIZfiBMbME
 
 — Ronit Roy (@RonitBoseRoy) 17 May 2016


 ఈరోజు మీతోపాటు పుట్టినరోజు జరుపుకొంటున్న ప్రముఖులు: అమితాబ్ బచ్చన్ (నటుడు),
  రోనిత్ రాయ్ (నటుడు)
  
  ఈ రోజు పుట్టిన రోజు జరుపుకునే వారి సంవత్సర సంఖ్య 2. ఇది. చంద్రునికి సంబంధించిన సంఖ్య, పుట్టిన తేదీ 11. ఇది రెండు సూర్యసంఖ్యల కలయికతో ఏర్పడిన చంద్రసంఖ్య కావడం వల్ల ఇది న్యూమరాలజీలో మాస్టర్ నంబర్. దీని వల్ల ఊహాశక్తి, ఆదర్శభావాలు, ధైర్యసాహసాలు, నాయకత్వ లక్షణాలు స్వతఃసిద్ధంగా అబ్బుతాయి. సౌందర్యానికి ప్రాధాన్యత ఇస్తారు. వీరిపై సూర్య, చంద్రుల ఇద్దరి ప్రభావం ఉండడం వల్ల ఈ సంవత్సరం ఉత్సాహంగా, ఉల్లాసంగా ఉంటారు. గత సంవత్సరం చేపట్టిన ప్రాజెక్టులు, ప్రణాళికల నుంచి మంచి లాభాలను ఆర్జిస్తారు. నలుగురినీ కలుపుకుంటారు. కొత్త కొత్త ఆలోచనలు, సాంకేతిక పరిజ్ఞానంతో టీమ్ వర్క్‌తో పనులను చురుకుగా చేస్తారు. భాగస్వామ్య వ్యవహారాలు, వ్యాపారాలు కలిసి వస్తాయి. విందువినోదాలకు, సంఘజీవనానికి మొగ్గు చూపుతారు. ఉద్యోగం మారే ప్రయత్నాలు ఫలిస్తాయి. ఉద్యోగులకు జీతాల పెంపు, ప్రమోషన్లు ఉంటాయి. పాతస్నేహితులను కలుసుకుంటారు. అవివాహితులకు వివాహం, సంతానం లేని వారికి సంతాన ప్రాప్తి కలుగుతాయి. అయితే సూర్య, చంద్రుల ప్రభావం వల్ల నేత్రవ్యాధులు, హృద్రోగాలు, మానసిక అస్థిరత, అస్థిమితత్వం ఉండే అవకాశం ఉన్నందువల్ల తగిన జాగ్రత్త తీసుకోవడం మంచిది.
 
  లక్కీ నంబర్స్: 2,5,6,7; లక్కీ కలర్స్: రెడ్, వైట్, సిల్వర్, క్రీమ్, గోల్డెన్, శాండల్, ఆరంజ్; లక్కీ డేస్: సోమ, శుక్ర, ఆదివారాలు; సూచనలు: రోజూ రాత్రిపూట కనీసం ఒక అరగంటపాటు వెన్నెలలో విహరించడం, నవగ్రహాభిషేకం, అనాథ శరణాలయాల్లో పాయసం దానం చేయడం, దర్గాలు, చర్చ్‌లలో అన్నదానం చేసి, పిల్లలకు, వృద్ధులకు తీపి తినిపించడం మంచిది.
  - డాక్టర్ మహమ్మద్ దావూద్,
  ఆస్ట్రో న్యూమరో గ్రాఫో థెరపిస్ట్