పాల్వంచ రూరల్‌: కోడిగుడ్డు ధర..క్రమంగా పెరుగుతూ ఇప్పుడు ఒక్కో ఎగ్‌ రేట్‌ రూ.6కు చేరడంతో వినియోగదారులు బాబోయ్‌..అంటున్నారు. నిన్న, మొన్నటి వరకు ఒక్కోకోడిగుడ్డు ధర రూ.3నుంచి 4 వరకు ఉండేది. కొన్ని చోట్ల రూ.5కు కూడా అమ్మారు. ఇప్పుడు మరో రూపాయి పెరిగి రూ.6కు చేరింది. ప్రస్తుతం మార్కెట్‌లో 30 కోడిగుడ్లకు రూ.180కు అమ్ముతున్నారు. ఒక్క గుడ్డుకు ఆరు రూపాయలు వెచ్చించాలంటే పేదలు ఆలోచించాల్సిన పరిస్థితి నెలకొంది. 
  


 రాజమండ్రి: తూర్పుగోదావరి జిల్లా గోకవరం మండలం కామరాజుపేటలో ఓ ఉన్నత పాఠశాలలో శుక్రవారం ఉదయం భారీ అగ్ని ప్రమాదం జరిగింది. ఉదయం కావటంతో విద్యార్థులు ఎవరూ లేరు. దాంతో ప్రాణనష్టం తప్పింది.  అయితే ఈ ప్రమాదంతో దాదాపు రూ.6లక్షల వరకు ఆస్తి నష్టం జరిగినట్టు సమాచారం. విషయం తెలుసుకున్న అగ్నిమాపక సిబ్బంది మంటలను ఆర్పేశారు. ఇంకా పూర్తి వివరాలు తెలియరాలేదు.