రాజేంద్ర ప్రసాద్, బ్రహ్మానందం, ‘శుభలేఖ’ సుధాకర్‌ కీలక పాత్రల్లో రామ్‌ కిరణ్, మేఘా ఆకాష్‌ జంటగా నటిస్తున్న చిత్రం ‘సఃకుటుంబానాం’. ఉదయ్‌ శర్మ దర్శకత్వం వహిస్తున్నారు. హెచ్‌ఎన్‌జీ సినిమాస్‌పై హెచ్‌ మహాదేవ గౌడ్‌ నిర్మిస్తున్న ఈ మూవీ ఫస్ట్‌ లుక్, మోషన్‌ పోస్టర్‌ను రిలీజ్‌ చేశారు మేకర్స్‌. ఈ సందర్భంగా ఉదయ్‌ శర్మ మాట్లాడుతూ–‘‘రేషన్‌ కార్డులాగా ఉన్న ఫస్ట్‌ లుక్‌కి చాలా మంచి స్పందన వచ్చింది. మా సినిమాలో చాలా మంచి కంటెంట్‌ ఉంది. ఎంతో మంది సీనియర్స్‌ నటిస్తున్నారు. ఈ సినిమాకి మణిశర్మగారి మ్యూజిక్‌ హైలెట్‌’’ అన్నారు. ‘‘సఃకుటుంబానాం’ మంచి క్రియేటివిటీతో కూడిన కుటుంబ కథా చిత్రం అవుతుందనే నమ్మకం ఉంది’’ అన్నారు మహాదేవ గౌడ్‌. ఈ చిత్రానికి కెమెరా: మధు దాసరి.

రామ్‌ కిరణ్‌, మేఘ ఆకాష్‌ హీరోహీరోయిన్లుగా నటించిన తాజా చిత్రం ‘సఃకుటుంబానాం’. ఉదయ్‌ శర్మ దర్శకత్వం వహిస్తున్న ఈ చిత్రంలో రాజేంద్ర ప్రసాద్‌, బ్రహ్మానందం, సత్య తదితరులు ముఖ్య పాత్రలు పోషిస్తున్నారు. హెచ్‌.మహదేవ గౌడ్‌ నిర్మాత. తాజాగా ఈ సినిమా ఫస్ట్ లుక్ ,మోషన్ పోస్టర్‌ని విడుదల చేశారు.  ఈ సందర్భంగా దర్శకుడు ఉదయ్‌ మాట్లాడుతూ.. ‘ఈ మధ్య కాలంలో ఇంత మంది ఆరిస్టులు, ఇంత మంచి కాంబినేషన్స్‌తో ఏ సినిమా రాలేదు. ఇందులో చాలా మంచి కథ ఉంది. ఎవరూ ఊహించని రీతిలో ఈ చిత్రం ఉంటుంది. నిర్మాత మహదేవ్‌ మాట్లాడుతూ.. అచ్చమైన తెలుగు టైటిల్‌తో వస్తున్న ఈ సినిమాను ప్రేక్షకులు కచ్చితంగా ఆదరిస్తారనే నమ్మకం ఉంది. అందరు మెచ్చేలా కుటుంబ కథాంశంతో రూపొందుతున్న చిత్రమిది’ అన్నారు. ఈ చిత్రానికి మణిశర్మ సంగీతం అందిస్తున్నాడు.