గురుపౌర్ణమి పర్వదినం సందర్భంగా ఒక కళాకారుడు పెన్సిల్‌ ముల్లుపై షిర్డీసాయిబాబాను చెక్కాడు. కొత్తపేట మండలం అవిడి గ్రామానికి చెందిన లంక వీరభద్రం అనే కళాకారుడు పెయింటింగ్స్‌ వేస్తాడు, సుద్దముక్కలు, సబ్బులపై బొమ్మలు చెక్కుతాడు. ఇటీవలే పెన్సిల్‌ ముల్లుపై వరల్డ్‌కప్‌ తదితర చిత్రాలను కూడా తీర్చిదిద్దాడు. మంగళవారం గురుపౌర్ణమి సందర్భంగా పెన్సిల్‌ ముల్లుపై సాయిబాబా రూపాన్ని చెక్కి భక్తిని చాటుకున్నాడు.   


 వాల్సద్: గుజరాత్‌లోని వాల్సద్‌లోని ఒక  ప్రముఖ ఆలయం నుంచి సాయిబాబా విగ్రహాన్ని తొలగించారు.  ఛత్తీస్గఢ్లో జరిగిన ధర్మసంసద్(మత సంబంధమైన సదస్సు)లో చేసిన తీర్మానం ప్రకారం ఈ విగ్రహాన్ని  తొలగించారు. విగ్రహాన్ని నేలమాళిగలో భద్రపరిచారు.బాబా భక్తులను సంప్రదించిన తరువాతే ఈ విగ్రహాన్ని తొలగించినట్లు ఆలయ ధర్మకర్తలు చెప్పారు.
 
 ఛత్తీస్‌గఢ్‌లో సోమవారం ధర్మ సంసద్ పేరిట జరిగిన  నిర్వహించిన ఆధ్యాత్మిక చర్చా కార్యక్రమంలో ద్వారకా పీఠం శంకరాచార్య స్వామి స్వరూపానంద సరస్వతి మాట్లాడుతూ  సనాతన ధర్మాన్ని అనుసరించే వారెవరూ సాయిబాబాను పూజించరాదని ప్రకటించారు.  ఈ నేపథ్యంలో ఇక్కడి విగ్రహాన్ని తొలగించాలని  నిర్ణయం తీసుకున్నారు. అయితే సాయి భక్తులు మరో చోట ఆలయం కట్టుకుంటే విగ్రహాన్ని పునఃప్రతిష్టించేందుకు వారికి అప్పగిస్తామని భీడ్ భంజన్ మహాదేవ్ ఆలయ ధర్మకర్తలు తెలిపారు.