లక్ష్మీకాంత్‌ హీరోగా నటించి, నిర్మించిన చిత్రం ‘ఆర్గాన్స్‌’. సందీప్తి, శ్రీలక్ష్మి, ప్రసాద్‌ రెడ్డి, మోహన్‌ ఇతర పాత్రల్లో నటించారు. రవికిరణ్‌ దర్శకత్వం వహించారు. రాజ్‌ కిరణ్‌ స్వరపరచిన ఈ చిత్రం పాటలను నిర్మాత ముత్యాల రామదాసు విడుదల చేసి, మాట్లాడుతూ– ‘‘ఆర్గాన్స్‌’ డిఫరెంట్‌ టైటిల్‌. అవయవ దానం చేయడం అనే మంచి కథాంశంతో ఈ సినిమా తెరకెక్కింది. ఈ సినిమా హిట్‌ అయి యూనిట్‌కి మంచి పేరు తీసుకురావాలని ఆశిస్తున్నా’’ అన్నారు. ‘‘ఆర్గాన్స్‌’ నా మొదటి చిత్రం. మా సినిమా చూసిన వారు కంటతడి పెట్టుకుంటారు. ఇందులో అవయవదానంతో పాటు ఫ్యామిలీ డ్రామా ఉంటుంది’’ అన్నారు రవికిరణ్‌. ‘‘మనిషి జీవించడానికి అవయవాలు ఎంతో ప్రధానం. కొందరు వాటిని తమ స్వార్థానికి వ్యాపారంగా మార్చేశారు. అలాంటి వాళ్లను హీరో ఏ విధంగా ఎదుర్కొన్నాడన్నదే కథ. సెన్సార్‌ పూర్తయింది. త్వరలో రిలీజ్‌ చేస్తాం’’ అన్నారు బత్తుల లక్ష్మీనారాయణ. ∙సందీప్తి, లక్ష్మీకాంత్‌


 ‘‘నాలుగో తరగతి చదువుతున్నప్పటి నుంచీ క్లాసికల్ డాన్స్ నేర్చుకున్నా. ఇప్పటివరకూ చాలా సినిమాల్లో చేశాను. కానీ, నా ప్రతిభను చూపించే సరైన అవకాశం రాలేదు. ఈ సినిమాతో నా ప్రతిభ చూపిస్తా’’ అని సందీప్తి చెప్పారు. రియా, సందీప్తి జంటగా అప్పాజీ కొండ దర్శకత్వంలో సూర్యనాథ్ నటిస్తూ, నిర్మించిన ‘రాజమహల్’ చిత్రం ఈ వారంలో ప్రేక్షకుల ముందుకు రానుంది. హీరో కావాలన్న ఆశ ఈ సినిమాతో నెరవేరిందని, కథ నచ్చి తానే నిర్మాతగా వ్యవహరించానని సూర్యనాథ్ తెలిపారు.
  


 హాలీవుడ్ సంచలన చిత్రం ‘ఫేస్ ఆఫ్’ ప్రేరణతో జై ఆకాశ్ దర్శకత్వంలో ‘లవ్ ఇన్ మలేసియా’ చిత్రం రూపొందుతోంది. ఇందులో ఆకాశ్ సరసన సందీప్తి, సంగీత, గెహనా వశిష్ఠ్ నాయికలుగా చేస్తు న్నారు. గణేశ్ దొండి నిర్మిస్తున్న ఈ చిత్రం 90 శాతం పూర్తయింది. ఓ డాక్టర్‌తో ప్రేమాయణం సాగించే పోలీస్ కథ ఇదని, ఇందులో తాను టైస్ట్ హెడ్‌గా నటిస్తున్నానని     జై ఆకాశ్ తెలిపారు. మలేసియాలో అత్యధిక భాగం చిత్రీకరణ జరిపామని, మే నెలలో చిత్రాన్ని విడుదల చేస్తామని నిర్మాత చెప్పారు. ఈ చిత్రానికి సంగీతం: జూపూడి సుమన్.