న్యూఢిల్లీ : దేశ అత్యుత్తమ దర్శకులలో వికాస్ బహల్ ఒకరని బాలీవుడ్ నిర్మాత, నటుడు సంజయ్ కపూర్ కితాబిచ్చాడు. బహల్ దర్శకత్వం వహించిన 'షాన్దార్' త్వరలో విడుదల కానుంది. ఈ మూవీలో తాను నటించేందుకు కేవలం దర్శకుడే కారణమని సంజయ్ పేర్కొన్నాడు. 'తేవర్' నిర్మిస్తున్న సమయంలో తన తదుపరి చిత్రంలో నటించాలంటూ దర్శకుడు  ఫోన్ చేశాడని గుర్తుచేసుకున్నాడు. సినిమాలపై ఎంతో ముందుచూపు ఉన్న అతికొద్ది మంది దర్శకులలో వికాస్ ఒకరని చెప్పుకొచ్చాడు.
 
 ఈ మూవీలో సింధూకి చెందిన వ్యాపారిగా తాను కనిపిస్తానన్నాడు. వికాస్, తాను కలిసి తరుణ్ మన్సుఖానీ దగ్గరకు వెళ్లి మూడ్రోజులు సింధి భాషపై అవగహనా కోసం వెళ్లాం, అయితే కొద్దిసమయంలోనే వికాస్ మాత్రం సింధీ తరహాలో డైలాగ్లు చెప్పడం ఆశ్చర్యానికి గురిచేసిందని వివరించాడు. షాహిద్కపూర్, అలియా భట్, పంకజ్కపూర్, సుప్రియా పథక్ నటించిన 'షాన్దార్' మూవీ ఈ శుక్రవారం విడుదలకు సిద్ధంగా ఉంది. వికాస్ బహల్ గతంలో 'క్వీన్' చిత్రంతో అద్భుత విజయాన్ని అందుకున్న విషయం అందరికి విదితమే.


 బాలీవుడ్ యంగ్ జనరేషన్ లో మోస్ట్ టాలెంటెడ్ అండ్ సక్సెస్ ఫుల్ యంగ్ హీరో షాహిద్ కపూర్.. మొన్నటి వరకు మోస్ట్ వాంటెడ్ బ్యాచిలర్ గా ఉన్న ఈ హీరో ఈ మధ్యే ఓ ఇంటి వాడయ్యాడు. పెళ్లి తరువాత షాందార్ మూవీ షూటింగ్ తో బిజీ అయిపోయిన షాహిద్ కొంచెం గ్యాప్ తీసుకొని హనీమూన్ ప్లాన్ చేసుకున్నాడు. సినిమా ప్రమోషన్ల మధ్యలో అప్పుడప్పుడు బ్రేక్ తీసుకుంటూ భార్యతో కలిసి ఫారిన్ లోకెషన్లలో డ్యూయెట్లు పాడుతున్నాడు.
 
 అయితే పెళ్లి తరువాత ఇంత వరకు ఒక్కసారి కూడా ఈ కపుల్ కలిసి కెమెరా కళ్లకు చిక్కలేదు. దీంతో చాలా రోజులుగా వెయిట్ చేస్తున్న ఫ్యాన్స్ కోసం షాహిద్ భార్యతో కలిసి ఓ ర్యాంప్ షోలో పాల్గొన్నాడు. సింపుల్ బ్లాక్ లో షాహిద్ ఆకట్టుకోగా మిసెస్ షాహిద్ మీరా మాత్రం స్టార్ హీరోయిన్లకు తీసిపోని విధంగా గ్లామర్ ఒలకపోసింది. దీంతో ఈ ఇద్దరు కలిసి స్క్రీన్ జోడిగా నటిస్తే ఎలా ఉంటుంది.. అన్న టాక్ కూడా బాలీవుడ్ లో స్టార్ట్ అయ్యింది.


 న్యూఢిల్లీ: తానిప్పుడు పూర్తిగా స్వేచ్ఛా జీవినని, కొంత బాధ్యతలను పక్కకు పెట్టి ఆనందంగా గడిపేందుకు సరైన సమయం ఇదేనని భావిస్తున్నానని ప్రముఖ బాలీవుడ్ దర్శకుడు వికాస్ బాల్ అన్నారు. గతంలో క్వీన్ అనే చిత్రానికి దర్శకత్వం వహించి హిట్ కొట్టిన ఆయన ఆ చిత్ర సమయంలో పూర్తి ఒత్తిడిలో ఉన్నట్లు తెలిపారు. తనపై ఏదో భారం ఉందని, కొంత భయంగా ఉండేదని చెప్పారు.
 
 కానీ, ఆ చిత్రం నమోదు చేసిన విజయంతో తనపై తనకు పూర్తి విశ్వాసం వచ్చిందని, కొంత స్వేచ్ఛగా ఉన్నానని చెప్పారు. షాహిద్ కపూర్, అలియాభట్ హీరో హీరోయిన్లుగా షాందార్ అనే చిత్రాన్ని ఆయన తెరకెక్కిస్తున్న విషయం తెలిసిందే. ఈ చిత్రం అక్టోబర్ 22న ప్రేక్షకుల ముందుకు రానుంది. ఈ నేపథ్యంలో ఆ చిత్ర తాలూకు అంశాలు పంచుకుంటూ షాందార్ చిత్రం విషయంలో తనకు ఎలాంటి భయం, ఆందోళన, ఒత్తిడి లేదని చెప్పారు. ఇప్పుడు సంతోషంగా ఉండేందుకు సరైన సమయం అని భావిస్తున్నానని చెప్పారు.