మద్యాన్ని అక్రమంగా విక్రయిస్తున్న ముగ్గురు వ్యక్తులను గుంటూరు జిల్లా రేపల్లె ఎక్సైజ్ పోలీసులు గురువారం అదుపులోకి తీసుకున్నారు. మండలంలోని మైనేనివారి పాలెం గ్రామానికి చెందిన రాయని సాంబయ్య, ఉయ్యూరు పాపారావుతోపాటు చెరుకుపల్లి మండలం గూడవల్లికి చెందిన అద్దంకి శివనాగేశ్వరరావులను అదుపులోకి తీసుకున్నారు. వారి వద్ద ఉన్న మద్యం బాటిళ్లను స్వాధీనం చేసుకుని, కేసు నమోదు చేసినట్లు ఎక్సైజ్ సీఐ వెంకట్‌రెడ్డి తెలిపారు.
 
  


 సుమంత్ హీరోగా ఓ చిత్రానికి రంగం సిద్ధమవుతోంది. మనీ, మనీ మనీ, వన్ బై టూ, పట్టుకోండి చూద్దాం, సిసింద్రీ తదితర చిత్రాలతో తనకంటూ ఓ ప్రత్యేకతను సంపాదించుకున్న శివనాగేశ్వరరావు దర్శకత్వంలో ఆ సినిమా రూపొందనుంది. రొమాంటిక్ క్రైమ్ కామెడీ యాక్షన్ థ్రిల్లర్‌గా రూపొందనున్న ఈ సినిమా చిత్రీకరణ ఈ నెల మూడో వారంలో మొదలు కానుంది. అన్నపూర్ణ స్టూడియోస్ సమర్పణలో ఎస్.ఎస్. క్రియేషన్స్, చెర్రీ ఫిలిమ్స్ సంస్థలు సంయుక్తంగా ఈ చిత్రాన్ని నిర్మించనున్నాయి.