RRR Rajamouli Ram Charan Jr NTR In Varanasi Upasana Video Post: ప్రస్తుతం దేశవ్యాప్తంగా మారుమోగుతున్న సినిమా పేరు 'ఆర్ఆర్ఆర్'. ఈ మూవీ కోసం అశేష ప్రేక్షక జనం ఎంతో ఆతృతగా ఎదురుచూస్తోంది. ఎన్నో వాయిదాల అనంతరం ఎట్టకేలకు మార్చి 25న ఈ సినిమా ప్రపంచవ్యాప్తంగా విడుదల కానుంది. రిలీజ్‌ సయమం దగ్గరపడటంతో సినిమా ప్రమోషన్స్‌లో స్పీడ్‌ పెంచింది జక్కన్న టీం. మార్చి 19న కర్ణాటకలోని చిక్‌బళ్లాపూర్‌లో ప్రీరిలీజ్‌ ఈవెంట్‌ను గ్రాండ్‌గా నిర్వహించిన తర్వాత వేగంగా ప్రమోషన్స్‌ చేస్తున్నారు ఎస్ఎస్ రాజమౌళి, రామ్‌ చరణ్, జూనియర్ ఎన్టీఆర్.  మార్చి 20న గుజరాత్‌లోని బరోడా, ఢిల్లీలో ప్రమోషన్ కార్యక్రమాలు చేపట్టగా, సోమవారం (మార్చి 21) పంజాబ్‌లోని అమృత్‌సర్‌, కోల్‌కత్తాలో పర్యటించింది ఈ చిత్రబృందం. అలాగే మంగళవారం (మార్చి 22) వారణాసిలో  గంగానది ఒడ్డున ప్రత్యేక పూజలు నిర్వహించారు.  ఈ పర్యటనలో రాజమౌళి, ఎన్టీఆర్, రామ్ చరణ్ సాంప్రదాయ దుస్తులు ధరించి కాశీ విశ్వేశ్వరుడి ఆశీస్సులు తీసుకున్నారు. అంతేకాకుండా అక్కడ గంగా హారతిలో పాల్గొన్నారు.  వీరితోపాటు  రామ్‌ చరణ్‌ సతీమణి ఉపాసన, రాజమౌళి తనయుడు కార్తికేయ కూడా పాల్గొన్నారు. ప్రస్తుతం ఈ ఫొటోలు సామాజిక మాధ్యామాల్లో తెగ వైరల్ అవుతున్నాయి. కాగా ఉపాసన సోషల్ మీడియాలో యాక్టివ్‌గా ఉంటారన్న సంగతి తెలిసిందే. తాజాగా ఆమె ఈ వారణాసి ట్రిప్‌కు సంబంధించిన ఓ వీడియోను పోస్ట్‌ చేశారు. వారణాసిలో వారు పర్యటించిన విధానాన్ని ఈ వీడియోలో చూడొచ్చు. 'వారణాసి నువ్వు ఎప్పటిలానే మ్యాజికల్‌... ఆర్‌ఆర్ఆర్‌ను చూసేందుకు సూపర్‌ ఎగ్జైటెడ్‌గా ఉన్నాను' అంటూ వీడియోకు క్యాప్షన్‌ ఇచ్చారు ఉపాసన.    VaRRRnasi ur were magical as always 🤗⭐️🙏 Super excited for #RRRMoive #RRR @AlwaysRamCharan pic.twitter.com/xzR57CwCLV — Upasana Konidela (@upasanakonidela) March 23, 2022


 కే ప్రొడక్షన్స్ ఎస్‌ఎన్.రాజరాజన్
 తమిళసినిమా; బాహుబలి చిత్రం ఒక చరిత్ర.భారతీయ సినిమా ఖ్యాతిని ప్రపంచానికి చాటిన అపురూప కళాఖండం.అలాంటి బ్రహ్మాండ చిత్ర శిల్పి రాజమౌళి దాని రెండవ భాగాన్ని మరింత అద్భుతంగా చెక్కుతున్న విషయం తెలిసిందే.ఆ చిత్రంలో నటించిన ప్రభాస్,రానా,అనుష్క,తమన్న,రమ్యకృష్ణ,సత్యరాజ్,నాజర్ వంటి ఉన్నత నటీనటులే ఈ చిత్రంలోనూ తమ పాత్రలకు జీవం పోస్తున్నారు.బాహుబలికు గ్రాండీయర్ ఆపాధించిన సాంకేతిక వర్గమే బాహేబలి-2ను మరింత అబ్బురపరచేలా తీర్చిదిద్దుతున్నారు.
 
 ఇంక్రీడబుల్ చిత్రంగా వెండితెరపై ఆవిష్కృతమౌతున్న బాహుబలి-2 చిత్రాన్ని వచ్చే ఏడాది ఏప్రిల్ 28న విడుదల చేయనున్నట్లు చిత్ర సృష్టికర్త రాజమౌళి ఇటీవలే వెల్లడించిన విషయం తెలిసిందే.తెలుగు,తమిళం,హింది అంటూ బహుభాషలలో తెరకెక్కుతున్న బాహుబలి-2 చిత్ర తమిళనాడు,విదేశీ విడుదల హక్కులను కే పొడక్షన్స్ అధినేత ఎస్‌ఎన్.రాజరాజన్ సొంతం చేసుకున్నారన్నది తాజా న్యూస్.తమిళనాడులో ఈ చిత్రం తమిళం,తెలుగు భాషా ప్రదర్శన హక్కుల్ని,విదేశాలలో తమిళం,తెలుగు,మలయాళం భాషల విడుదల హక్కులు తమ సంస్థనే పొందినట్లు రాజరాజన్ వెల్లడించారు.
 
 కాగా ఈయన రానా,రెజీనా జంటగా తమిళం,తెలుగు భాషలలో ఒక భారీ చిత్రాన్ని నిర్మించనున్నారు.ఇందులో సత్యరాజ్,కరుణాస్ తదితరులు ముఖ్య పాత్రలు పోషించనున్నారు.సత్యశివ దర్శకత్వం వహించే ఈ చిత్రాన్ని రెండు భాషలలోనూ ఏక కాలంలో నిర్మించడం విశేషం.కాగా తమిళంలో మడైతిరందు అనే టైటిల్‌ను,తెలుగులో 1945 అనే టైటిల్‌ను నిర్ణయించినట్లు తెలిపారు.కాగా బాహుబలి-2 చిత్ర తమిళనాడు,విదేశీ విడుదల హక్కుల్ని తమ సంస్థకు ఇచ్చినందుకు ఆ చిత్ర నిర్మాతలు,దర్శకుడు రాజమౌళికి ఎస్‌ఎన్.రాజరాజన్ కృతజ్ఞతలు తెలుపుకుంటున్నానన్నారు.