లాహోర్‌: భారత కంపెనీలైన స్టార్‌, ఆసియా ఛానెల్‌లకు దక్షిణాసియా క్రికెట్‌ ప్రసార హక్కులు దక్కాయన్న కారణంగా, తమ దేశం ఆడే క్రికెట్‌ మ్యాచ్‌లను సైతం పాక్‌లో ప్రసారం చేసేందుకు  అక్కడి ప్రభుత్వం నో చెప్పింది. 2019 ఆగస్టు 5న భారత ప్రభుత్వం జమ్మూ కశ్మీర్‌కు స్వయంప్రతిపత్తి కల్పించే ఆర్టికల్‌ 370ని రద్దు చేసినందు వల్ల తాము భారత కంపెనీలతో వ్యాపారం చేయబోమని పాక్‌ సమాచార, ప్రసారాల మంత్రిత్వశాఖ మంత్రి ఫవాద్‌ చౌదరి వెల్లడించారు. భారత్‌ ప్రభుత్వం స్వయంప్రతిపత్తి రద్దు నిర్ణయాన్ని వెనక్కి తీసుకున్నాకే ఆయా కంపెనీలతో తాము వ్యాపారం చేస్తామని ఆయన పేర్కొన్నారు.  ఈ చర్య వల్ల తమ దేశ క్రికెట్ బోర్డుకు నష్టపోయినా పర్వాలేదని, తమ నిర్ణయంలో మాత్రం ఏ మార్పు ఉండబోదని ఆయన స్పష్టం చేశారు. కాగా, వచ్చే నెల ఇంగ్లండ్‌లో పర్యటించనున్న పాక్‌.. మూడు వన్డేలు (జులై 8, 10, 13), మూడు టీ20లు (జులై 16, 18, 20) ఆడనుంది. ఈ ఆరు మ్యాచ్‌లను తమ దేశంలో ఎట్టి పరిస్థితుల్లో ప్రసారం చేసేది లేదని ఆక్కడి ప్రభుత్వం భీష్మించుకుని కుర్చుంది. ఈ నేపథ్యంలో పాక్‌ ప్రభుత్వం తీసుకున్న నిర్ణయంపై ఆ దేశ క్రికెట్‌ అభిమానులు సైతం అసంతృప్తి వ్యక్తం చేస్తున్నారు. ఇదిలా ఉంటే, భారత్‌పై విషం కక్కే క్రమంలో పాక్‌.. తమ వేలితో, తమ కంటినే పొడుచుకుంటుందని భారత అభిమానులు అభిప్రాయపడుతున్నారు. చదవండి: టీమిండియా కెప్టెన్‌గా శిఖర్‌ ధవన్‌ పేరు ఖరారు..?  


 దక్షిణాఫ్రికాపై భారత్ విజయంతో మిన్నంటిన ఆనందం
 కప్ గెలుపుపై పెరిగిన ఆశలు
  
 అమలాపురం : ‘భారత్ అభిమానులు టీవీలో దక్షిణాఫ్రికాతో మ్యాచ్ చూస్తున్నారు. ఇంతలో కాలింగ్ బెల్ మోగింది. తలుపు తీస్తే ఇద్దరు దక్షిణాఫ్రికా అభిమానులు బాణసంచాతో కనిపించారు. ఈసారి సగటు భారతీయ అభిమాని వారిని చూసి సిగ్గుపడలేదు. తిరిగి వెళ్లమనలేదు. ఆ బాణసంచా తీసుకుని తనివితీరా కాల్చారు’. ప్రపంచకప్‌లో దక్షిణాఫ్రికాపై భారత్ ఇప్పటివరకు ఆడిన అన్ని మ్యాచ్‌లూ ఓడిపోవడంపై    స్టార్‌స్పోర్ట్స్ చానల్ వ్యంగ్యంగా రూపొందించిన యాడ్ ఇది. ఈ యాడ్ ఇక నుంచి ప్రసారం చేసే అవకాశం లేదు. ఎందుకంటే.. వరల్డ్ కప్‌లో దక్షిణాఫ్రికాపై  భారత్‌జట్టు గెలిచింది. లీగ్ మ్యాచ్‌లలో భాగంగా ఆదివారం భారత్- దక్షిణాఫ్రికా తలపడగా భారత్ ఘన విజయం సాధించింది. ప్రపంచకప్‌లో దక్షిణాఫ్రికాపై గెలుపు ఇదే తొలిసారి. లీగ్ దశలో పెద్దజట్లయిన పాకిస్తాన్, దక్షిణాఫ్రికాలపై ఘన విజయంతో భారత జట్టు సెమీస్‌కు సునాయాసంగా వెళ్లనుందని క్రికెట్ అభిమానులు పొంగిపోతున్నారు. గెలుపుపై వారి ఆనందాన్ని ‘సాక్షి’తో ఇలా పంచుకున్నారు...     
  
 సెమీస్‌కు అవరోధాల్లేవు
 
 మన జట్టు సెమీ ఫైనల్స్‌కి వెళ్లడం ఖాయం. మన గ్రూప్‌లోని రెండు పెద్దజట్లు పాకిస్తాన్, దక్షిణాఫ్రికాలపై ఇండియా గెలవడం చాలా ఆనందంగా ఉంది. మిగిలిన వాటిలో ఒక్క వెస్టిండీస్ తెప్ప పెద్ద జట్లు లేవు. మనం మెరుగైన రన్‌రేట్‌తో ఉన్నందున సెమీస్‌కు ఢోకా లేదు.
  - వీరా సతీష్, క్రికెట్ క్రీడాకారుడు, అంబాజీపేట.
  
 ఈ విజయాలు ఊహించలేదు
 
 ప్రపంచకప్ పోటీల్లో మనం గతంలో చిన్న జట్ల మీద కూడా ఓడిపోయాం. అటువంటిది పాకిస్తాన్, దక్షిణాఫ్రికా వంటి బలమైన జట్ల మీద భారీ తేడాతో విజయం సాధించడం అభినందనీయం. మన జట్టు ఇంతగా రాణిస్తుందని ఊహించలేదు. ఇదే స్ఫూర్తితో ఆడితే మరోసారి ప్రపంచకప్ గెలుస్తాం.
  - మచ్చా సత్తిబాబు, క్రికెట్‌కోచ్, మామిడికుదురు.
  
 ఫైనల్స్‌కు చేరుతాం
 
  సౌత్‌ఆఫ్రికాతో జరిగిన మ్యాచ్‌లో టీంఇండియా అద్భుతంగా ఆడింది. జట్టు సమష్టిగా రాణించడంతో ఈ విజయం సొంతమైంది. గత మ్యాచ్‌లలో ఎప్పుడూ వరల్డ్‌కప్‌లో టీమ్ ఇండియా దక్షిణాఫ్రికాపై గెలవలేదు. అయితే ఈ సారి గెలవడం చూస్తే మన జట్టు వరల్డ్‌కప్ ఫైనల్స్‌కు చేరుతుందనే నమ్మకం కలిగింది.
  - ఎం.ఎస్.జోయల్‌రాజు, పిఠాపురం.
 
 మనవాళ్లు అద్భుతంగా ఆడారు
 
 టీంఇండియా సౌత్‌ఆఫ్రికాపై జరిగిన మ్యాచ్‌లో అద్భుతంగా ఆడింది. వరల్డ్‌కప్‌లో సౌత్‌ఆఫ్రికాపై ఇండియా విజయం సాధించలేదనే అపోహను మన జట్టు చెరిపేసింది. పాకిస్థాన్, సౌత్ ఆఫ్రికాలపె గెలవడం ద్వారా వరల్డ్ కప్ సాధిస్తామనే నమ్మకం కలిగింది.       - టి.వి.సిరిల్, ఉద్యానవనశాఖ అధికారి.