ఉత‍్తరప్రదేశ్: కన్న తల్లిదండ్రులే కసాయిగా ప్రవర్తించారు. ఓ అబ్బాయిని ప్రేమించినందుకు సొంత బిడ్డనే గొంతు నులిమి హతమార్చారు. ఆ హత్యను.. ఆత్మహత్యగా చిత్రీకరించారు. ఈ అమానవీయ ఘటన ఉత్తరప్రదేశ్‌లోని ఝాన్సీలో జరిగింది.  తొమ్మిదో తరగతి చదువుతున్న బాలిక తన గ్రామంలోని ఓ అబ్బాయిని ప్రేమించింది. ఈ విషయం తెలుసుకున్న తల్లిదండ్రులు బాలికను పలుమార్లు హెచ్చరించారు. బయటికి వెళ్లకుండా ఆంక్షలు విధించారు. అయినప్పటికీ తల్లిదండ్రుల కళ్లుగప్పి బాలిక.. ప్రేమించిన అబ్బాయిని కలవడానికి వెళ‍్లింది. దీంతో తల్లిదండ్రులు ఆగ్రహం వ‍్యక్తం చేశారు. బాలికను చితకబాదారు. అనంతరం గొంతు నులిమి హత్య చేశారు. ఎవరికీ అనుమానం రాకుండా వంటగదిలో బాలిక ఉరివేసుకున‍్నట్లు చిత్రీకరించారు. కానీ పోస్టుమార్టంలో అసలు విషయాలు వెలుగులోకి వచ్చాయి. దీంతో పోలీసులు దర్యాప్తు చేపట్టగా.. నిందితులు నేరాన్ని అంగీకరించారు. ఇదీ చదవండి: వివాహేతర సంబంధం: కలిసి ఉండలేక.. విడిగా బతకలేక!

Model Nayab Nadeem: పాకిస్తాన్‌లో దారుణం చోటు చేసుకుంది. ఓ ప్రఖ్యాత మోడల్‌ అనుమానాస్పద రీతిలో దారుణ హత్యకు గురైంది. ఆమె గొంతు కోసి అత్యంత కిరాతకంగా చంపేసి.. నగ్న శరీరాన్ని ఇంట్లో పడేసి వెళ్లారు దుండగులు. సవతి సోదరుడి ఫిర్యాదుతో దారుణం వెలుగులోకి వచ్చింది. ఆ వివరాలు..  పాకిస్తాన్‌ ప్రఖ్యాత మోడల్‌ నయాబ్‌ నదీమ్‌ ఆదివారం అనుమానాస్పద రీతిలో హత్య గావించబడ్డారు. లాహోర్‌లోని ఆమె నివాసంలో ఈ దారుణం చోటు చేసుకున్నట్లు పాకిస్తాన్‌ న్యూస్‌ పేపర్‌ డ్వాన్‌ వెల్లడించింది. నిందితులు ఆమె ఇంట్లోకి చొరబడి దారుణంగా హత్య చేశారని పేర్కొన్నది. నయాబ్‌ సవతి సోదరుడిచ్చిన ఫిర్యాదతో పోలీసులు కేసు నమోదు చేశారు. 29 ఏళ్ల నయాబ్‌ ఇంకా వివాహం చేసుకోలేదు. లాహోర్‌లోని డిఫెన్స్‌ ఏరియాలో ఆమె ఒంటరిగా నివాసం ఉంటున్నారు.  ఈ సందర్భంగా నయాబ్‌ సవతి సోదరుడు నసీర్‌ మాట్లాడుతూ.. ‘‘శనివారం అర్థరాత్రి మేం ఐస్‌క్రీం తినడానికి బయటకు వెళ్లాం. ఆ తర్వాత నేను తనను ఆమె ఇంటి దగ్గర వదిలిపెట్టి వెళ్లాను. ఇంటికి వెళ్లాక నాకు నయాబ్‌ కాల్‌ చేసింది. కానీ పడుకుని ఉండటంతో తన కాల్‌ లిఫ్ట్‌ చేయలేదు. ఆదివారం ఉదయం తిరిగి తనకు కాల్‌ చేశాను. లిఫ్ట్‌ చేయలేదు. దాంతో తనను చూడటానికి వచ్చిన నాకు భయానక దృశ్యం కనిపించింది’’ అని తెలిపాడు. ‘‘గొంతు దగ్గర గాయంతో.. రక్తం మడుగులో నగ్నంగా పడి ఉన్న నయాబ్‌ శరీరం కనిపించింది. ఆ దృశ్యం చూడగానే భయంతో బిగుసుకుపోయాను. ఆ తర్వాత తేరుకుని పోలీస్‌ స్టేషన్‌కు వెళ్లి ఫిర్యాదు చేశాను. నయాబ్‌ బాత్రూం కిటికి పగిలిపోయి ఉంది. దుండగులు దాని గుండా ఇంట్లో చొరబడి తనను హత్య చేసి ఉంటారు. ఇక తన నగ్న శరీరాన్నీ టీవీ రూంలో పడేశారు’’ అని నసీర్‌ తెలిపాడు. కేసు నమోదు చేసిన పోలీసులు.. దర్యాప్తు చేస్తున్నారు.   


 ఒడిషాలో దారుణం జరిగింది. పాతికేళ్ల మహిళపై దారుణంగా అత్యాచారం చేసి, ఆపై ఆమెను హతమార్చారు. ఆమె మృతదేహాన్ని జాజ్పూర్ జిల్లా వ్యాస్ నగర్ నుంచి స్వాధీనం చేసుకున్నట్లు పోలీసులు తెలిపారు. ఆమె శరీరం మీద గాయాలైన గుర్తులున్నాయి. ఆమె ధరించిన చీరనే మెడచుట్టూ మూడు నాలుగు చుట్లు చుట్టినందువల్ల ఆమె ఊపిరాడక మరణించి ఉంటుందని జాజ్పూర్ రోడ్ డీఎస్పీ జేకే దాస్ తెలిపారు.
 
 ఆమె మృతదేహాన్ని బట్టి చూస్తే హత్యకు ముందు ఆమెపై అత్యాచారం చేసినట్లు తెలుస్తోందని, అయితే ఇంకా పోస్టుమార్టం నివేదిక మాత్రం వెల్లడి కావాల్సి ఉందని చెప్పారు. సమీపంలోని రాంపాస్ గ్రామానికి చెందిన ఆ మహిళ.. తన తల్లితో కలిసి నివసిస్తుంటుంది. గురువారంనాడు సమీపంలోని ఓ మార్కెట్కు వెళ్లిన తర్వాతి నుంచి ఆమె కనిపించకుండా పోయింది.