టాలెంట్ సిరీస్ టెన్నిస్ టోర్నీ
 సాక్షి, హైదరాబాద్: ఐటా టాలెంట్ సిరీస్ జూనియర్ ర్యాంకింగ్ టెన్నిస్ టోర్నమెంట్‌లో అమాన్ అయూబ్ ఖాన్, సిక్కా సంచిత్ తుదిపోరుకు అర్హత సంపాదించారు. సూర్య టెన్నిస్ ఫౌండేషన్ ఆధ్వర్యంలో బోయిన్‌పల్లిలోని పల్లవి స్కూల్ గ్రౌండ్స్‌లో ఈ పోటీలు జరుగుతున్నాయి. సోమవారం జరిగిన అండర్-14 బాలుర సెమీఫైనల్లో మూడో సీడ్ అమాన్ అయూబ్ 6-3, 6-0తో టాప్ సీడ్ తోట సాయిప్రతీక్‌కు షాకిచ్చాడు.
 
 రెండో సెమీస్‌లో నాలుగో సీడ్ సంచిత్ 6-3, 6-2తో ఐదో సీడ్ వల్లభనేని ప్రీతమ్‌పై గెలుపొందాడు. అంతకుముందు జరిగిన క్వార్టర్‌ఫైనల్లో సాయిప్రతీక్ 8-3తో రిషిల్ గుప్తాపై, అయూబ్ 8-6తో వరుణ్ కుమార్‌పై, సంచిత్ 8-4తో హర్షిత్ కొసరాజుపై, ప్రీతమ్  8-4తో కృష్ణసాయిపై గెలిచారు. బాలికల అండర్-14 సెమీఫైనల్లో శ్రీవల్లి రష్మిక 6-0, 6-1తో దామెర సంస్కృతిపై, ఐశ్వర్య 3-6, 6-4, 6-0తో మాన్య విశ్వనాథ్‌పై విజయం సాధించారు. క్వార్టర్స్‌లో శ్రీవల్లి 8-5తో అనన్య రెడ్డిపై, సంస్కృతి 8-4తో లాస్యపై, మాన్య 8-6తో నిధి ప్రాచపై, ఐశ్వర్య 8-4తో బిపాష మెహ్న్‌పై నెగ్గారు.


 జింఖానా, న్యూస్‌లైన్: ఏఐటీఏ టాలెంట్ సిరీస్ జూనియర్ ర్యాంకింగ్ టెన్నిస్ టోర్నీ అండర్-14 బాలికల విభాగంలో ఆంధ్రప్రదేశ్ క్రీడాకారిణి ఉమర్ మిష్‌గాన్ సెమీస్‌లోకి ప్రవేశించింది. బోయిన్‌పల్లిలోని సూర్య టెన్నిస్ ఫౌండేషన్ నిర్వహిస్తున్న ఈ టోర్నీలో గురువారం జరిగిన మ్యాచ్‌లో ఉమర్ మిష్‌గాన్ 9-3తో చరిత వాసిరెడ్డి (ఆంధ్రప్రదేశ్ )పై విజయం సాధించింది.
  
   తనతో పాటు జువేరా ఫాతిమ (ఆంధ్రప్రదేశ్ ) 9-1తో లాస్య (ఆంధ్రప్రదేశ్ )పై, శ్రేయ (ఆంధ్రప్రదేశ్ ) 9-8తో క్రితి పరేఖ్ (ఆంధ్రప్రదేశ్ )పై, శ్రావ్య శివాని (ఆంధ్రప్రదేశ్ ) 9-1తో తనూజా చౌహాన్ (ఆంధ్రప్రదేశ్ )పై నెగ్గారు. బాలుర అండర్-12 విభాగంలో ప్రీతమ్ (ఆంధ్రప్రదేశ్ )19-8తో అన్నే ఆకాష్  (ఆంధ్రప్రదేశ్ )పై గెలిచి సెమీస్‌కు అర్హత సాధించాడు. హర్షిత్ (ఆంధ్రప్రదేశ్ ) 9-7తో ఇక్బాల్ ఖన్ (ఆంధ్రప్రదేశ్ )పై, అనురాగ్ (పశ్చిమబెంగాల్) 9-4తో దీపక్ (ఆంధ్రప్రదేశ్ )పై, రుచిత్ (ఆంధ్రప్రదేశ్ ) 9-8తో రిషిల్ గుప్తా (ఆంధ్రప్రదేశ్ )పై గెలుపొందారు. బాలుర అండర్-14 విభాగంలో వెంకట్ అనికేత్ (ఆంధ్రప్రదేశ్ ) 9-3తో ఆకాష్ (ఆంధ్రప్రదేశ్ )పై,శ్రీ హర్ష (ఆంధ్రప్రదేశ్ ) 9-5తో ఆదర్శ్‌నాగ (ఆంధ్రప్రదేశ్ )పై, కొసరాజు హర్షిత్ (ఆంధ్రప్రదేశ్ ) 9-1తో సయ్యద్ కరీముల్లా (ఆంధ్రప్రదేశ్ )పై, సాయి కార్తీక్ (ఆంధ్రప్రదేశ్) 9-4తో ఆకాష్ రెడ్డి (ఆంధ్రప్రదేశ్ )పై విజయం దక్కించుకున్నారు. బాలికల అండర్-12 విభాగంలో అవంతిక రెడ్డి (ఆంధ్రప్రదేశ్ ) 9-8తో జువేరా ఫాతిమా (ఆంధ్రప్రదేశ్ )ను, సంస్కృతి (ఆంధ్రప్రదేశ్ ) 9-4తో అమూల్య (ఆంధ్రప్రదేశ్ )ను, సాహితీ రెడ్డి (ఆంధ్రప్రదేశ్ ) 9-6తో సొనాలి జైస్వాల్ (ఆంధ్రప్రదేశ్ )ను, సమృతి భాసిన్ (ఆంధ్రప్రదేశ్ ) 9-2తో శ్రేయ (ఆంధ్రప్రదేశ్ )ను ఓడించారు.