మెగా పవర్‌ స్టార్ రామ్‌ చరణ్ పుట్టినరోజు సందర్భంగా సినీఇండస్ట్రీ నుంచి విషెస్‌ వెల్లువెత్తుతుండడంతో పాటు తన సినిమాలకు సంబంధించి పలు ఆసక్తికర అప్‌డేట్స్ కూడా వస్తున్నాయి. ఇప్పటికే ‘ఆర్‌ఆర్‌ఆర్‌’ నుంచి రామరాజ్‌ పోస్టర్‌ .. ‘ఆచార్య’ నుంచి సిద్ధ పోస్టర్‌ లాంటి సాలిడ్ అప్‌డేట్స్‌ వచ్చాయి. ఇదిలాఉండగా.. చరణ్‌ చేసిన సినిమాల్లో నటనపరంగా మరో మెట్టు ఎక్కించిన సినిమా ‘రంగస్థలం’ అని తెలిసిందే. సుకుమార్ ద‌ర్శ‌క‌త్వంలో రామ్ చ‌రణ్‌, స‌మంత ప్ర‌ధాన పాత్ర‌లుగా తెర‌కెక్కిందీ  చిత్రం. ప‌ల్లెటూరి నేప‌థ్యంలో తెర‌కెక్కిన రంగస్థలం చ‌ర‌ణ్‌కు న‌టుడిగా మంచి పేరు ప్ర‌ఖ్యాత‌లు తెచ్చిపెట్టింది. చెవిటి వ్యక్తిగా రామ్ చ‌ర‌ణ్ అద్భుత న‌టనా ప‌టిమ క‌న‌బ‌రిచాడు. ఈ చిత్రం అప్పట్లో బ్లాక్‌ బస్టర్‌గా నిలిచి నాన్‌ బాహుబలి రికార్డులను కూడా సొంతం చేసుకుంది. తాజాగా రామ్‌ చరణ్ ‘రంగస్థలం’ తమిళ డబ్‌ వెర్షన్‌ విడుదల ఎప్పుడన్నది కూడా తెలిసిపోయింది. చిత్ర నిర్మాణ సంస్థ మైత్రీ మూవీ మేకర్స్‌ క్లారిటీనిస్తూ ట్విటర్‌లో ఓ ప్రకటన విడుదల చేసింది. ఈ సినిమాను తమిళ వెర్షన్‌లో విడుదల చేయాలని పెద్ద ఎత్తున డిమాండ్లు రావడంతో వచ్చే మే నెలలో ముహూర్త ఖరారు చేసినట్టు నిర్మాతలు కన్ఫార్మ్ చేశారు. ఈ విషయాన్ని అధికారికంగా తమ ట్విట్టర్‌ ద్వారా తెలిపారు. మరి చెర్రీ సుకుమార్ ల కాంబినేషన్‌లో వచ్చిన ఈ వింటేజ్ వండర్ తమిళంలో ఎలాంటి వసూళ్లను రాబడుతుందో చూడాలి.   ( చదవండి: సైరాకుఏడాది పూర్తి, రామ్‌చరణ్‌ ట్వీట్‌ )  Wishing our Mega Power Star a great day! #HappyBirthdayRamcharan Due to Popular demand by all #RamCharan Tamil Fans.. We are releasing Blockbuster Rangasthalam (Tamil) in Theatres this MAY 2021.. Release thru @7GfilmsSiva@AlwaysRamCharan @Samanthaprabhu2 @ThisIsDSP @aryasukku pic.twitter.com/TIaYiZtgH5 — Mythri Movie Makers (@MythriOfficial) March 27, 2021

తమిళసినిమా: ఎన్‌ పేరు సూర్య ఎన్‌ వీడు ఇండియా అంటూ టాలీవుడ్‌ యువ స్టార్‌ హీరో అల్లు అర్జున్‌ కోలీవుడ్‌ తెరపైకి రావడానికి రెడీ అవుతున్నారు. ఈయన తెలుగులో స్టార్‌ హీరో. అంతే కాదు మాలీవుడ్‌లో ఈయన చిత్రాలు కలెక్షన్లను కొల్లగొడతాయి. కేరళలో అల్లు అర్జున్‌ చిత్రాలకు పిచ్చ క్రేజ్‌. అదే పేరును కోలీవుడ్‌లోనూ పొందాలన్నది ఈ స్టైలిష్‌ స్టార్‌ చిరకాల కోరిక. ఆ మధ్య తమిళంలో నేరుగా ఒక చిత్రాన్ని చేయడానికి సిద్ధం అయ్యారు కూడా. విలేకరుల సమావేశం నిర్వహించి వెల్లడించారు కూడా.కారణాలేమైనా ఆ చిత్రం తెరరూపం దాల్చలేదు.  తాజాగా తెలుగులో ఆయన కథానాయకుడిగా నిర్మాణం అవుతున్న భారీ చిత్రం నా పేరు సూర్య నా ఇల్లు ఇండియా చిత్రాన్ని తమిళంలోనూ ఎన్‌ పేరు సూర్య ఎన్‌ వీడు ఇండియా పేరుతో ఏక కాలంలో విడుదల చేయడానికి చిత్ర వర్గాలు సన్నాహం చేస్తున్నాయి. వంశీ దర్శకత్వం వహిస్తున్న ఈ చిత్రాన్ని కే.నాగబాబు, పి.వాసు సహ నిర్మాతలుగా రామలక్ష్మి సినీ క్రియేషన్స్‌ పతాకంపై లగడపాటి శ్రీషా శ్రీధర్‌ నిర్మిస్తున్నారు. ఈ సినిమాలో సైనికుడిగా నటిస్తున్న అల్లుఅర్జున్‌కు జంటగా అను ఇమ్మానుయేల్‌ నటిస్తున్నారు. ప్రధాన పాత్రల్లో శరత్‌కుమార్, యాక్షన్‌కింగ్‌ అర్జున్‌ నటిస్తున్నారు. విశాల్‌–శేఖర్‌ ద్వయం సంగీతాన్ని అందిస్తున్న ఈ చిత్ర తమిళ వర్షన్‌కు గీతరచయిత పా.విజయ్‌ సంభాషణలను అందిస్తున్నారు. చిత్రం తెలుగు, తమిళం భాషల్లో సమ్మర్‌ స్పెషల్‌గా తెరపైకి రానుంది.మరి తమిళంలో ఈ చిత్రం అల్లుఅర్జున్‌ను ఏ స్థాయిలో నిలబెడుతుందో చూడాలి.


  టాలీవుడ్‌లో విజయవంతమైన పలు చిత్రాలను తమిళంలోకి అనువదిస్తూ మంచి సక్సెస్ సాధిస్తున్నారు భద్రకాళీ ఫిలింస్ అధినేతలు. అంతకు ముందు సెల్వందన్, ఇదుదాండా పోలీస్, బ్రూస్‌లీ-2, మగధీర, ఎవండా తదితర చిత్రాలను తమిళ ప్రేక్షకులకు అందించిన వీరు తాజాగా తెలుగులో సూపర్‌హిట్ అయిన డార్లింగ్ చిత్రాన్ని ప్రభాస్ బాహుబలి పేరుతో తమిళంలోకి అనువదిస్తున్నారు. దక్షిణాదిలో తెరకెక్కి ప్రపంచస్థాయి రికార్డులు బద్దలు కొట్టిన చిత్రం బాహుబలి. ఆ చిత్ర కథానాయకుడు నటించిన మరో సూపర్‌హిట్ చిత్రం డార్లింగ్.
  
  అందాల నటి కాజల్‌అగర్వాల్ ఆయనతో రొమాన్స్ చేసిన ఈ చిత్రంలో ప్రభు, ముఖేష్ రిషీ, తులసి, కోట శ్రీనివాసరావు, ఆహుతిప్రసాద్, చంద్రమోహన్, ఎంఎస్.నారాయణ, చంద్రబోస్ ముఖ్య పాత్రలు పోషించారు. కరుణాకరన్ దర్శకత్వం వహించిన ఈ చిత్రానికి జీవీ.ప్రకాశ్‌కుమార్ సంగీతాన్ని అందించారు. ప్రస్తుతం తమిళంలో సత్య సిద్దాల, అడ్డాల వెంకట్రావు సహ నిర్మాతలుగా వ్యవహరిస్తున్న ఈ చిత్రానికి ఏఆర్‌కే.రాజరాజా మాటలను అందిస్తున్నారు. ఈ చిత్ర ఆడియో ఆవిష్కరణ మంగళవారం సాయంత్రం చెన్నై, ఏవీఎం స్టూడియోలో జరిగింది. చిత్ర ఆడియోను ప్రముఖ స్టంట్‌మాస్టర్ జాగ్వుర్ తంగం ఆవిష్కరించారు. ఈ సందర్భంగా ఏఆర్‌కే.
  
   రాజరాజా మట్లాడుతూ ఇందులో హీరో హీరోయిన్లు చిన్నతనం నుంచి కలిసి చదువుకుంటారన్నారు. పెద్దయిన తరువాత బాల్యమిత్రులందరూ కలుసుకుంటారని ఆ కలయిక తరువాత హీరోహీరోయిన్ల మధ్య స్నేహం ఎలా ప్రేమగా మారింది. ఇటువంటి అంశాల సమాహారమే ప్రభాస్ బాహుబలి అని తెలిపారు. భద్రకాళీ ఫిలింస్ అధినేతలు చె ప్పినట్టుగానే నెలకో చిత్రాన్ని తమిళంలో విడుదల చేస్తున్నారని పేర్కొన్నారు. ఇటీవలే సర్దార్ గబ్బర్‌సింగ్ చిత్రాన్ని తమిళనాట విడుదల చేసిన వీరు తాజాగా అల్లుఅర్జున్ నటించిన సరైనోడు తమిళం హక్కుల్ని సొంతం చేసుకున్నట్టు తెలిపారు.