సాక్షి, పశ్చిమ గోదావరి జిల్లా: తణుకు రూరల్ పోలీస్ స్టేషన్ వద్ద ఉద్రిక్తత నెలకొంది. ఇవాళ ఉదయం స్టేషన్‌లో సర్వీస్ రివాల్వర్‌తో కాల్చుకొని ఎస్‌ఐ ఏజీఎస్ మూర్తి ఆత్మహత్య చేసుకున్న సంగతి తెలిసిందే. అయితే, మృతుడు.. ఆత్మహత్యకు ముందు సెల్ఫీ వీడియో రికార్డ్ చేయడంతో పాటు, సూసైడ్ నోట్ రాశారనే అనుమానాలు ఉండటంతో ఆయన సెల్ ఫోన్ తమకు ఇవ్వాలంటూ కుటుంబ సభ్యులు, బంధువులు ఆందోళనకు దిగారు.స్టేషన్‌కు చేరుకున్న జిల్లా ఎస్పీ అద్నాన్ నయీం అస్మి, ఇతర పోలీస్ అధికారులతో ఎస్ఐ మూర్తి బంధువులు వాగ్వివాదానికి దిగారు. మూర్తి.. తణుకు రూరల్ ఎస్ఐగా పనిచేస్తుండగా, ఇటీవల ఆయన విధుల నుంచి తొలగించారు. ఎస్‌ఐ సత్యనారాయణమూర్తి స్వగ్రామం తూర్పుగోదావరి జిల్లా కే.గంగవరం గ్రామం. ఆయనకు ఇద్దరు పిల్లలు. అకారణంగా విధుల్లోంచి తొలగించి, తిరిగి విధుల్లోకి తీసుకోకపోవడంపై ఆవేదనతో ఆత్మహత్య చేసుకున్నట్లుగా అనుమానాలు వ్యక్తమవుతున్నాయి.ఎస్ఐ మూర్తి మృతదేహాన్ని పోస్టు మార్టం నిమిత్తం తణుకు ఏరియా ఆసుపత్రికి తరలించారు. జిల్లాలో పెనుగొండలో సీఎం చంద్రబాబు పర్యటన ఉండగా, ఎస్‌ఐ ఆత్మహత్య ఘటనతో పోలీసు వర్గాల్లో కలవరం రేగింది. బందోబస్తు డ్యూటీ నుంచి వచ్చి స్టేషన్‌లోనే ఆత్మహత్య ఎందుకు చేసుకున్నాడనే దానిపై దర్యాప్తు చేయాలని మృతుడి బంధువులు కోరుతున్నారు. మండల మెజిస్ట్రేట్ ముందు ఫోన్ ఓపెన్ చేయాలని బంధువుల, స్నేహితులు పట్టుబడుతున్నారు. అధికారుల ఒత్తిడి వల్లే చనిపోయాడంటూ ఎస్‌ఐ కుటుంబసభ్యులు, బంధువులు ఆరోపిస్తున్నారు.ఇదీ చదవండి: యువజంట పరువు హత్య.. హంతకులకు మరణశిక్ష


   ఎన్నికలంటేనే భయపడుతున్న కాంగీయులు
   రాజకీయ భవిష్యత్ కోసం పార్టీ
  మారే యత్నాలు
   సీటిస్తామన్నా వేచి చూద్దామనే
  ధోరణిలో టీడీపీ ఆశావహులు
   కాంగ్రెస్, టీడీపీలకు అంతుచిక్కని
  వైసీపీ వ్యూహం
  
  త ణుకు, న్యూస్‌లైన్ :
  ఎన్నికల పేరు చెబితే కాంగ్రెస్ నేతలు హడలెత్తిపోతున్నారు. పిలవని పేరంటంలా ముంచుకొచ్చిన మునిసిపల్ ఎన్నికల్లో మొహం చాటేస్తేనే మంచిదనే ఆలోచనకు వచ్చారు. మరోవైపు పిలిచి సీటిస్తామన్నా మునిసిపల్ పదవులకు పోటీ చేసేందుకు టీడీపీ నేతలు ముందుకు రాకుండా వేచిచూసే ధోరణిని అవలంభిస్తున్నారు. ఈ ఎన్నికల్లో వైసీపీ అవలంభిస్తున్న వ్యూహాలు కాంగ్రెస్, టీడీపీలకు కలవరం పుట్టిస్తున్నాయి. ఆ రెండు పార్టీల నేతలు అవకాశాల కోసం వైసీపీతో మంతనాలు సాగిస్తుండటంతో వైసీపీ ఎలాంటి ఎత్తులు వేయనుందనే విషయం కాంగ్రెస్, టీడీపీలకు అంతు చిక్కడం లేదు. కాంగ్రెస్ పార్టీకి చెందిన స్థానిక ఎమ్మెల్యే కారుమూరి వెంకట నాగేశ్వరరావు కాంగ్రెస్ పార్టీలోనే ఉంటారా లేక ఆయనకు ప్రత్యామ్నాయ మార్గాలు ఉన్నాయా అనే విషయాలపై కాంగ్రెస్ నాయకుల్లో స్పష్టత కొరవడింది. ఈ పరిణామాలు ఆ పార్టీ శ్రేణులను సైతం గందరగోళానికి గురి చేస్తున్నారుు. ఇలాంటి పరిస్థితుల్లో రాజకీయ భవిష్యత్ కోసం అంతర్గత సమావేశాలు జరుపుతూ జంపింగ్ మంత్రం జపిస్తున్నారుు. దీంతో ద్వితీయ శ్రేణి నాయకులు మునిసిపల్ ఎన్నికల్లో పోటీ అంటేనే భయపడే పరిస్థితి నెలకొంది.
  
   రాష్ట్ర విభజన విషయంలో కాంగ్రెస్, టీడీపీ స్వప్రయోజనాల కోసం ద్వంద్వ వైఖరి అవలంభించటంతో ప్రజలు ఆ రెండు పార్టీల తీరుపై విసుగెత్తిపోయారనేది విశ్లేషకుల అభిప్రాయం. రాష్ట్ర విభజన నిర్ణయం అనంతరం తొలి ఎన్నికలను మునిసిపాలిటీలకు నిర్వహిస్తుండటంతో ఆ రెండు పార్టీల్లోనూ గుబులు రేగుతోంది. రాజకీయ పరిస్థితులపై మెరుగైన అవగాహనతో ఉండే పట్టణ ఓటర్లు విభజన పరిణామాల నేపథ్యంలో కాంగ్రెస్, టీడీపీలపై నిప్పులు చెరుగుతున్న నేపథ్యంలో మునిసిపల్ ఎన్నికల్లో ఆ రెండు పార్టీల్లో ఏ పార్టీ తరఫున పోటీ చేసినా రాజకీయంగా తెరమరుగయ్యే ప్రమాదం ఉందన్న ఆందోళన ఆ పార్టీల నాయకుల్లో నెలకొంది. దీంతో ఆ పార్టీల్లోని ఆశావహులు ఆచితూచి అడుగువేస్తున్నారు. ఛాన్స్ ఇస్తామంటే ఎగిరి గంతేయూల్సిందిపోరుు వెనుకంజ వేస్తున్నారు.
  
  ‘సామాజిక’ సమాలోచనలు
  తణుకు మునిసిపల్ చైర్మన్ పదవిని జనరల్‌కు కేటారుుంచగా, ఇక్కడినుంచి బీసీ వర్గానికి చైర్మన్ పదవి ఇవ్వటం వల్ల పార్టీకి ఏమైనా ప్రయోజనం చేకూరుతుందా అనే విషయమై టీడీపీ సమాలోచనలు చేస్తున్నట్టు సమాచారం. బీసీ వర్గానికి చెందిన మహిళా అభ్యర్థిని రంగంలోకి దింపితే ఎలా ఉంటుందనే ఆలోచన కూడా చేసినట్టు తెలిసింది. ప్రధాన సామాజిక వర్గంగా ఉన్న వర్గానికి చైర్మన్ పదవికి ఎంపిక చే స్తే అసెంబ్లీ ఎన్నికల నాటికి ఏమైనా లబ్ధి కలుగుతుందా అనే కోణంలోనూ చర్చ జరుగుతోంది. మరోవైపు మాజీ మునిసిపల్ చైర్మన్ ముళ్లపూడి రేణుకను పోటీకి దింపితే బాగుంటుందని ఒకరిద్దరు సీనియర్ నాయకులు పార్టీ అంతర్గత సమావేశంలో ప్రస్తావించినట్టు చెబుతున్నారు.
  
  అవకాశం ఇస్తామన్నా...
  ‘మునిసిపల్ ఎన్నికల్లో మీకు అవకాశం కల్పిస్తున్నాం. పోటీ చేయండ’ని నాయకులు పిలుస్తున్నా కాంగ్రెస్, టీడీపీ ద్వితీయ శ్రేణి నాయకులు పోటీకి జంకుతున్నారు. మునిసిపల్ ఎన్నికల్లో అవకాశమిచ్చి బలి పశువును చేయరు కదా అనే అనుమానాలు ఆ రెండు పార్టీల్లోనూ వ్యక్తమవుతోంది. పైగా చైర్మన్ ఎన్నిక పరోక్ష విధానంలో చేపట్టనుండటంతో తణుకులో కనీసం 18 వార్డుల్లో కౌన్సిలర్లు గెలిస్తే గాని ఏదైనా ఒక పార్టీకి చెందిన చైర్మన్ అభ్యర్థి ఆ పదవికి ఎన్నిక కాలేరు. వార్డుల పునర్విభజనతో భౌగోళిక స్వరూపం మారిపోరుుంది. మరోవైపు ఎన్నికలకు అతి తక్కువ సమయం ఉండటం, ప్రతికూల పరిస్థితులు నెలకొనడంతో అపజయం పాలైతే ఆర్థికంగా నష్టపోవడంతో పాటు రాజకీయ పరపతి, భవిష్యత్తు నాశనమవుతాయనే ఆందోళన అందరిలోనూ ఉందని టీడీపీకి చెందిన సీనియర్ నాయకుడొకరు వ్యాఖ్యానించారు.


  తణుకు క్రైం, న్యూస్‌లైన్ :
  ఓ వ్యక్తి కర్మకాండల్లో పాల్గొనేం దుకు వెళ్లిన రజకుడు విద్యుదాఘాతానికి గురై అక్కడికక్కడే మృతిచెందిన దుర్ఘటన ఉండ్రాజవరం మండలం పాలంగిలో సోమవారం చోటుచేసు కుంది. వివరాలి ఉన్నారుు. ఉండ్రాజ వరం మండలం పాలంగి ధ్వజస్తం భం వీధిలో నివాసముంటున్న రజ కుడు అవిడి శ్రీనివాస్ (40) అదే ప్రాం తానికి చెందిన ఓ వ్యక్తి కర్మకాండల్లో పాల్గొనేందుకు సోమవారం ఉదయం స్థానిక సుబ్రహ్మణ్యేశ్వరస్వామి ఆల య ప్రాంతంలోని కాలువ రేవుకు వెళ్లాడు. కర్మకాండలు పూర్తయ్యాక అక్కడి సామగ్రిని సర్దుతుండగా సమీపంలోనే నీటిలో ఉన్న విద్యుత్ తీగ అతడి చేతికి తగిలింది.
  
   షాక్‌కు గురైన శ్రీనివాస్ అక్కడికక్కడే ప్రాణా లు విడిచాడు. అదే సమయంలో కర్మకాండ  జరిపిన వారిలో కొందరు రేవులో ఉండగా వారికి కూడా కొద్దిపాటి విద్యుత్ షాక్ తగిలింది. వారంతా రేవులోంచి బయటకు వచ్చే యడంతో పెనుప్రమాదం తప్పింది. రేవుకు సమీపంలో ఉన్న విద్యుత్ ట్రాన్స్‌ఫార్మర్ పక్కనే ఉన్న స్తంభం నుంచి రేవులో ఉన్న రక్షణ స్తంభానికి సపోర్టుగా ఈ వైరు వేశారు. ఆ వైరుకు విద్యుత్ సరఫరా కావడంతో ఈ ప్రమాదం జరిగింది. శ్రీనివాస్‌కు భార్య మహాలక్ష్మి, ఇద్దరు మగ పిల్లలు ఉన్నారు. కొంతకాలం క్రితం భార్యతో ఏర్పడ్డ మనస్పర్థల కారణంగా ప్రస్తుతం భార్యాపిల్లలు హైదరాబాద్‌లో ఉంటున్నారు. దీంతో అతను గ్రామంలో బంధువుల ఇళ్లకు సమీపంలో ఒంటరిగా నివశిస్తున్నాడు.


  ఒకే కాన్పులో ముగ్గురు జన్మించిన అరుదైన సంఘటన తణుకు పట్టణంలో గురువారం చోటుచేసుకుంది. మహారాష్ట్రకు చెందిన దేవ్‌కర్ నామదేవ్ కుటుంబం తణుకులో స్థిరపడింది. నామదేవ్ బంగారం పని చేస్తుంటాడు. అతని భార్య సవితకు నెలలు నిండటంతో తణుకులోని విజయ నర్సింగ్ హోమ్‌లో చేర్పించాడు. గురువారం ఆమెకు శస్త్రచికిత్స నిర్వహించగా, ఉదయం 11.41 గంటలకు ఒక పాప జన్మించింది. 11.43 గంటలకు మరొక పాప, 11.45 గంటలకు బాబు జన్మించారు. మొదటి పాప 2.5 కేజీలు, రెండవ పాప 2.8 కేజీలు, బాబు 2.3కేజీల బరువు ఉన్నట్లు వైద్యురాలు డాక్టర్ లక్ష్మి చెప్పారు. సాధారణంగా ముగ్గురు శిశువులు ఒకేసారి జన్మిస్తే.. బరువు తక్కువ ఉంటారని, కొన్ని లోపాలు కూడా ఉండే అవకాశం లేకపోలేదని అన్నారు.
  
   ఈ ముగ్గురు శిశువులు తగిన బరువుతో, సంపూర్ణ ఆరోగ్యంతో ఉన్నారని ఆమె వివరించారు. చిన్నారుల తండ్రి నామదేవ్ మాట్లాడుతూ తన భార్యకు ఆరేళ్ల క్రితం మొదటి కాన్పులో ఆడపిల్ల జన్మించిందని చెప్పాడు. ఒకే కాన్పులో ముగ్గురు పిల్లలు పుట్టడం ఆనందంగా ఉందన్నాడు.
  - న్యూస్‌లైన్/తణుకు అర్బన్