సాక్షి, ప్రకాశం జిల్లా: జిల్లాలో ఘోర రోడ్డు ప్రమాదం జరిగింది. ప్రమాదంలో నలుగురు అక్కడికక్కడే మృతిచెందగా, మరో మహిళ ఆసుపత్రిలో మరణించింది. తర్లుపాడు మండలం రోలుగుంపాడు ఎస్టీ కాలనీ దగ్గర రోడ్డుపై చనిపోయిన గేదెపైకి టాటా ఏస్‌ వాహనం ఎక్కింది. దీంతో అదుపుతప్పి వాహనం.. ఎదురుగా వస్తున్న టిప్పర్‌ను ఢీకొట్టింది. టాటా ఏస్‌ వాహనంలో 16 మంది ప్రయాణికులు వున్నారు. అక్కడికక్కడే నలుగురు మృతి చెందగా,  మరో 12 మందికి తీవ్రగాయాలయ్యాయి. మృతులు పోట్లపాటి శివమ్మ, గొంగటి మార్తమ్మ, ఇత్తడి లింగమ్మ, వెనకటేశ్వరరెడ్డి, కోటమ్మ గా గుర్తించారు. కేసు నమోదు చేసిన పోలీసులు దర్యాప్తు చేస్తున్నారు. ఇవీ చదవండి: మహిళా ఎస్‌ఐ ఆత్మహత్య మాజీ ఎమ్మెల్యే చింతమనేని ప్రభాకర్ అరెస్ట్ 


 చివ్వెంల(నల్లగొండ): ఎదురెదురుగా వస్తున్న రెండు వాహనాలు ఢీకొన్న ప్రమాదంలో.. ఇద్దరు యువకులు మృతిచెందగా.. మరో వ్యక్తికి తీవ్రగాయాలయ్యాయి. ఈ సంఘటన నల్లగొండ జిల్లా చివ్వెంల మండల కేంద్రంలో ఆదివారం మధ్యాహ్నం జరిగింది. వివరాలు.. మండల కేంద్రానికి చెందిన కృష్ణ(25), సైదులు(28) వ్యవసాయం చేసుకుంటూ జీవనం సాగిస్తున్నారు.
 
 ఈరోజు బైక్‌పై అక్కనదేవి గూడెం గ్రామానికి వెళ్లి వస్తున్న సమయంలో బైక్ చివ్వెంల శివారుకు చేరుకునే సరికి ఎదురుగా సూర్యాపేట నుంచి ఖమ్మం వెళ్తున్న టాటా ఏస్ వాహనం ద్విచక్రవాహనాన్ని ఢీకొట్టింది. దీంతో బైక్ పై ఉన్న కృష్ణ, సైదులు మృతిచెందగా.. చారీ అనే వ్యక్తికి తీవ్రగాయాలయ్యాయి. సమాచారం అందుకున్న పోలీసులు సంఘటనా స్థలానికి చేరుకొని క్షతగాత్రులను సూర్యాపేట ఏరియా ఆస్పత్రికి తరలించి కేసు నమోదు చేసుకొని దర్యాప్తు చేస్తున్నారు.