సాక్షి,హైదరాబాద్: సౌత్‌జోన్ జాతీయ జూనియర్ ఖో- ఖో చాంపియన్‌షిప్‌లో తెలంగాణ బాలబాలికల జట్లు సెమీస్‌లోకి ప్రవేశించాయి. ఉప్పల్‌లోని మున్సిపల్ స్టేడియంలో శనివారం జరిగిన బాలుర తొలి లీగ్ మ్యాచ్‌లో తెలంగాణ జట్టు 10-6తో కర్నాటకపై గెలపొందగా... రెండో మ్యాచ్‌లో 9-6తో ఆంధ్రప్రదేశ్ జట్టును ఓడించింది. బాలికల విభాగంలోనూ తెలంగాణ జట్టు 11-10తో కర్నాటకపై, 20-15తో ఆంధ్రప్రదేశ్ జట్టుపై విజయం సాధించింది.