చెన్నై: ఎన్నికల్లో పోటీ చేసే విషయమై ఇంకా  నిర్ణయం తీసుకోలేదని సహస్ర చిత్ర హాస్య నటుడు అలీ చెప్పారు. 1000 చిత్రాలు పూర్తి చేసుకున్న సందర్భంగా శ్రీకళాసుధ అసోసియేషన్  ఆదివారం అలీని సాఫల్య అవార్డుతో ఘనంగా సత్కరించింది. ఈ సందర్భంగా ఇక్కడకు వచ్చిన అలీ విలేకరులతో మాట్లాడుతూ ఏ పార్టీ నుంచి ఆహ్వానం వచ్చినా రాజమండ్రి నుంచి పోటీచేస్తానని చెప్పారు.  
 
 అలీ రాజకీయాలలోకి రావడానికి గత కొంతకాలంగా ఆసక్తి చూపుతున్నారు. ఎన్నికలలో పోటీ చేయడానికి కూడా ప్రయత్నిస్తున్నారు. అయితే ఏ పార్టీ నుంచి పోటీ చేస్తారనేది ఇంకా స్పష్టంలేదు.  ఏ పార్టీ నుంచైనా సొంత ప్రాంతమైన రాజమండ్రి నుంచే పోటీ చేయాలన్న కోరిక అలీకి బలంగా ఉంది.