బెజ్జూర్: వ్యవసాయ భూమిలో ఓ రైతుకు లభ్యమైన గుప్తనిధిని అధికారులు స్వాధీనం చేసుకున్నారు. ఆదిలాబాద్ జిల్లా బెజ్జూర్ మండలం మొర్లిగూడకు చెందిన రైతు జగదీష్ గత ఏడాది తన పొలం దున్నుతుండగా ఓ రాగి పాత్ర లభించింది. అందులో ఏడు గ్రాముల బంగారం, 3 తులాల వెండి ఉన్నాయి. వాటితో ఆయన ఆభరణాలు చేయించుకున్నాడు. ఈ విషయం ఆనోటా ఈనోటా రెవెన్యూ అధికారులు, పోలీసులకు చేరింది. దర్యాప్తులో నిజం నిర్ధారణ కావటంతో గురువారం ఉదయం ఎస్సై రాజు, తహశీల్దార్ సూర్యనారాయణ గ్రామానికి చేరుకున్నారు. రైతు జగదీష్ నుంచి ఆ సొత్తును స్వాధీనం చేసుకున్నారు. ప్రభుత్వానికి వాటిని అప్పగించనున్నట్లు వారు తెలిపారు.