సాక్షి,అమరావతి: వినాయక చవితి పండుగ సందర్భంగా రాష్ట్ర ప్రజలందరికీ ముఖ్యమంత్రి వైఎస్‌ జగన్‌మోహన్‌రెడ్డి శుభాకాంక్షలు తెలిపారు. విఘ్నేశ్వరుడి అనుగ్రహంతో మంచి పనులకు విఘ్నాలు తొలగిపోయి, ప్రజలందరికీ సకల శుభాలు కలగాలని, విజయాలు సిద్ధించాలని ఆకాంక్షించారు. గణనాథుని కరుణాకటాక్షాలతో రాష్ట్రంలోని ప్రతి కుటుంబం సుఖసంతోషాలతో అభివృద్ధి చెందాలని ఆయన అభిలషించారు. 


 హైదరాబాద్: తెలంగాణ రాష్ట్ర ప్రజలకు ముఖ్యమంత్రి కేసీఆర్ వినాయక చవితి శుభాకాంక్షలు తెలిపారు. రాష్ట్ర ఏర్పాటుకు ఎదురైన విఘ్నాలన్నీ తొలగి తెలంగాణ అవతరించిన తర్వాత జరుపుకుంటున్న వినాయక చవితికి ఎంతో ప్రత్యేకత ఉందన్నారు. అభివృద్ధికి విఘ్నాలన్నీ తొలగి మంచి రోజులు వస్తాయని ఆయన ఆశాభావం వ్యక్తం చేశారు.
 
 తెలంగాణ ప్రజలు ఘనంగా, ఆనందంగా గణేష్ ఉత్సవాలు జరుపుకోవాలని ఆకాంక్షించారు. పర్యావరణానికి హానీ కలగకుండా ఉత్సవాలు నిర్వహించాలని ప్రజలను కేసీఆర్ కోరారు.