సాక్షి, అమరావతి : పవన్‌ కళ్యాణ్‌ ఎన్ని నాటకాలాడినా చేసేదేమి లేదని  టీడీపీ ఎమ్మెల్యే జీవీ ఆంజనేయులు అన్నారు. ఆయన మంగళవారం మీడియాతో మాట్లాడుతూ నాడు ప్రత్యేక హోదా పాచి పోయిన లడ్డూ అన్న పవన్‌ నేడు ప్రత్యేక ప్యాకేజీకి సిద్ధం అంటున్నాడని విమర్శించారు. బీజేపీ స్క్రిప్టుకు అనుగుణంగా పవన్‌ నటిస్తున్నాడని విమర్శించారు. దమ్ముంటే పోలవరంలో అవినీతి జరిగిందని పవన్‌ చేసిన ఆరోపణల్ని నిరూపించుకోవాలని సవాల్‌ విసిరారు. అవినీతి జరిగిందని నిరూపిస్తే ప్రభుత్వం తక్షణమే చర్యలు తీసుకుంటుందన్నారు.ఉద్దేశ్ పూర్వకంగానే పవన్‌ ఆరోపణలు చేస్తున్నారని మండిపడ్డారు. మరోవైపు బీజేపీ సమావేశాలకు పవన్‌ హాజరవుతున్నారని ఆయన ఆరోపించారు.


 హోదాపై వైఎస్ జగన్‌కు టీడీపీ నేత లేఖ
 
 సాక్షి, హైదరాబాద్: బిహార్ రాష్ట్ర అసెంబ్లీ ఎన్నికలు ముగిసిన అనంతరం ప్రత్యేక హోదా విషయంలో ఏపీకి తీపి కబురు అందుతుందని గుంటూరు జిల్లా టీడీపీ అధ్యక్షుడు, వినుకొండ ఎమ్మెల్యే జీవీఎస్ ఆంజనేయులు తెలిపారు. ఈ మేరకు బుధవారం ఆయన  ప్రతిపక్ష నేత జగన్‌మోహన్‌రెడ్డికి లేఖ రాశారు.
 
 హోదాపై రూట్‌మ్యాప్ తయారు చేయాలని ప్రధాని నీతి ఆయోగ్‌ను ఆదేశించారన్నారు.ఈ సమావేశంలో మంత్రి వెంక య్య పాల్గొని హోదాపై కసరత్తు చేశారని వివరించారు.