స్టేషన్‌ఘన్‌పూర్ (వరంగల్) : స్టేషన్‌ఘన్‌పూర్ మండలం చాగల్ గ్రామ సమీపంలోని అటవీ ప్రాంతంలో చిరుతపులి సంచరిస్తుండటంతో గ్రామస్థులు భయాందోళనలకు గురవుతున్నారు. గ్రామ శివారులోని అటవీ ప్రాంతానికి మేతకు వెళ్లిన లేగదూడను చిరుతపులి వేటాడి చంపింది. దీంతో గ్రామస్థులు చిరుతను బంధించాలని అటవీ అధికారులకు మొరపెట్టుకుంటున్నారు.


 హిరమండలం (శ్రీకాకుళం జిల్లా) : హిరమండలంలో ఏనుగులు సోమవారం రాత్రి బీభత్సం సృష్టించాయి. ఎగువరుగడ, ఈతలగూడ, కొమనాపల్లి గ్రామాల్లో ఏనుగులు దాడి చేసి ఆరు ఇళ్లను, 3 పశువుల పాకలను ధ్వంసం చేశాయి. ఏనుగుల సంచారంతో గ్రామస్తులు ఆందోళనలో ఉన్నారు.