గ్జియాన్: ఎండకు వేడెక్కే బండలపై పడుకోబెట్టి చేసే ప్రకృతి వైద్యం గురించి మీకు తెలుసా? చైనాలో చాలామంది మహిళలు ఇప్పుడు ఇలాంటి వైద్యాన్నే ఎక్కువగా ఆశ్రయిస్తున్నారు. దీనివల్ల ఎన్నో రోగాలు నయమవుతాయంటున్నారు. ఈ వైద్యం కోసమని ముఖాలపై చిన్నపాటి టవల్‌నో, గుడ్డనో కప్పుకుని ఎండకు వేడెక్కిన పెద్దపెద్ద రాళ్లను కౌగిలించుకుంటున్నారు. పైసా ఖర్చులేని వైద్యం కదా.. అందుకే  పార్కుల్లోనూ, ఎండ తగిలే ఖాళీ ప్రదేశాల్లోనూ ప్రత్యేకంగా పెద్ద పెద్ద రాళ్లను ఏర్పాటు చేస్తున్నారు. సాయంత్రం 3-4 గంటల మధ్య గ్జియాన్ నగరంలో ఎక్కడ చూసినా ఇలా రాళ్లపై పడుకునేవారే కనిపిస్తున్నారు.