14 ఏళ్ల జపాన్  కుర్రాడి చేతిలో పరాజయం
 న్యూఢిల్లీ: అంతర్జాతీయ టేబుల్‌ టెన్నిస్‌ సమాఖ్య (ఐటీటీఎఫ్‌) వరల్డ్‌ టూర్‌ ఇండియా ఓపెన్  టోర్నమెంట్‌లో భారత అగ్రశ్రేణి క్రీడాకారుడు ఆచంట శరత్‌ కమల్‌ కాంస్య పతకంతో సరిపెట్టుకున్నాడు. శనివారం జరిగిన పురుషుల సింగిల్స్‌ సెమీఫైనల్లో 34 ఏళ్ల శరత్‌ కమల్‌ 7–11, 11–5, 7–11, 13–11, 9–11, 9–11తో 14 ఏళ్ల తొమొకాజు హరిమోటో (జపాన్ ) చేతిలో ఓడిపోయాడు.
 జూనియర్‌ బాలుర సింగిల్స్‌ విభాగంలో ప్రస్తుత ప్రపంచ చాంపియన్ గా ఉన్న హరిమోటో అద్వితీయ ప్రదర్శనకు ‘ట్రిపుల్‌ ఒలింపియన్ ’ శరత్‌ కమల్‌ చేతులెత్తేశాడు. అంతకుముందు జరిగిన క్వార్టర్‌ ఫైనల్లో శరత్‌ 11–4, 10–12, 9–11, 11–6, 11–9, 9–11, 13–11తో పాల్‌ డ్రింకాల్‌ (ఇంగ్లండ్‌)పై గెలుపొందాడు. ఆదివారం జరిగే ఫైనల్లో దిమిత్రిజ్‌ (జర్మనీ)తో హరిమోటో తలపడతాడు. తొలి సెమీఫైనల్లో దిమిత్రిజ్‌ 8–11, 11–2, 9–11, 12–10, 14–16, 11–2, 11–8తో నివి కోకి (జపా¯ŒS)పై విజయం సాధించాడు.


 న్యూఢిల్లీ: అంతర్జాతీయ టేబుల్‌ టెన్నిస్‌ సమాఖ్య (ఐటీటీఎఫ్‌)వరల్డ్‌ టూర్‌ ఇండియా ఓపెన్‌ టోర్నీలో భారత వెటరన్‌ స్టార్‌ ఆచంట శరత్‌ కమల్‌ క్వార్టర్‌ ఫైనల్లోకి దూసుకెళ్లాడు. శుక్రవారం జరిగిన పురుషుల సింగిల్స్‌ ప్రిక్వార్టర్‌ ఫైనల్లో 62వ ర్యాంకర్‌ శరత్‌ కమల్‌ 11–8, 11–7, 11–4, 14–16, 11–5తో ప్రపంచ 24వ ర్యాంకర్‌ యుటో మురామత్సు (జపాన్‌)పై సంచలన విజయం సాధించాడు. శనివారం జరిగే క్వార్టర్‌ ఫైనల్లో చిరకాల ప్రత్యర్థి పాల్‌ డ్రింకాల్‌ (ఇంగ్లండ్‌)తో శరత్‌ తలపడతాడు.
 
 మరో ప్రిక్వార్టర్‌ ఫైనల్లో భారత్‌కే చెందిన సానిల్‌ శెట్టి 9–11, 11–9, 12–10, 4–11, 7–11, 7–11తో గార్డోస్‌ రాబర్ట్‌ (ఆస్ట్రియా) చేతిలో ఓడిపోయాడు. మహిళల సింగిల్స్‌ విభాగంలో భారత క్రీడాకారిణులు మౌసమి పౌల్, సుతీర్థ ముఖర్జీ, మౌమా దాస్, అర్చన కామత్‌ ప్రిక్వార్టర్‌ ఫైనల్లో ఓడిపోయి టోర్నీ నుంచి నిష్క్రమించారు.