ప్రముఖ దర్శక–నిర్మాత యశ్‌ చోప్రా అంటే కళాబంధు టి.సుబ్బరామిరెడ్డికి ఎనలేని అభిమానం. చోప్రాతో టీయస్సార్‌కి మంచి అనుబంధం ఉండేది. అందుకే ఆయన భౌతికంగా దూరమయ్యాక టి. సుబ్బరామిరెడ్డి ఫౌండేషన్‌ తరఫున ‘నేషనల్‌ యశ్‌ చోప్రా మెమోరియల్‌’ అవార్డ్‌ను ప్రారంభించారు. 2013లో మొదలుపెట్టి ఇప్పటివరకూ లతా మంగేష్కర్, అమితాబ్‌ బచ్చన్, రేఖ, షారుక్‌ ఖాన్‌లకు ఈ అవార్డును ప్రదానం చేశారు. ఈసారి టి. సుబ్బరామిరెడ్డి ఫౌండేషన్‌ జ్యూరీ సభ్యులు బోనీకపూర్, మాధుర్‌ భండార్కర్, హనీ ఇరానీ, పద్మినీ కొల్హాపురి, సుబ్బరామిరెడ్డి ఈ అవార్డును ప్రముఖ గాయని ఆశాభోంస్లేకు ఇవ్వాలని నిర్ణయించారు. ఈ విషయాన్ని శనివారం అధికారికంగా ప్రకటించారు. ఫిబ్రవరి 16న ముంబైలో ఈ అవార్డు వేడుక జరగనుంది. ఈ వేడుకలో అమితాబ్‌ బచ్చన్, ఆమిర్‌ ఖాన్, షారుక్‌ ఖాన్, శ్రీదేవి, జయప్రద తదితరులు పాల్గొనబోతున్నారు.


 హైదరాబాద్‌: బాలీవుడ్‌ దర్శక నిర్మాత యశ్‌ చోప్రా జ్ఞాపకార్థం ప్రతి ఏటా అందజేసే యశ్‌ చోప్రా జాతీయ స్మారక అవార్డును ఈ ఏడాది బాలీవుడ్‌ బాద్షా షారుక్‌ ఖాన్‌కు ప్రకటించారు. వచ్చే ఏడాది ఫిబ్రవరి 25న ముంబైలో జరిగే ఓ కార్యక్రమంలో షారుక్‌కు ఈ అవార్డును ప్రదానం చేస్తారు. ఈ కార్యక్రమంలో అమితాబ్‌ బచ్చన్‌, రేఖ, శ్రీదేవి, రాణి ముఖర్జీ, ఐశ్వర్యా రాయ్‌,  జయప్రద, సల్మాన్‌ ఖాన్‌, ఆమిర్‌ ఖాన్‌ తదితర బాలీవుడ్‌ ప్రముఖులు పాల్గొంటారు. టీఎస్‌ఆర్‌ ఫౌండేషన్‌ వ్యవస్థాపకుడు, కేంద్ర మాజీ మంత్రి టీ సుబ్బరామిరెడ్డి ఓ ప్రకటనలో ఈ విషయాన్ని తెలియజేశారు.
 
 టీఎస్‌ఆర్‌, యశ్‌ చోప్రా సతీమణి పమేలా చోప్రా, పద్మిని కొల్హాపురి, బోనీ కపూర్‌లతో కూడా జ్యూరీ ఈ అవార్డుకు షారుక్‌ను ఎంపిక చేసింది. 2012లో యశ్‌ చోప్రా కన్నుమూశారు. యశ్‌ చోప్రా జ్ఞాపకార్థం టీఎస్‌ఆర్‌ ఫౌండేషన్‌ ఆయన పేరుమీద ఈ అవార్డును నెలకొల్పింది. ఇంతకుముందు ఈ అవార్డును ప్రఖ్యాత గాయని లతా మంగేష్కర్‌, బాలీవుడ్‌ నటులు అమితాబ్‌ బచ్చన్‌, రేఖలకు అందజేశారు.