TS EAPCET: ఏప్రిల్‌ 29 నుంచి ఈఏపీసెట్‌

సాక్షి, హైదరాబాద్‌: రాష్ట్ర ఇంజనీరింగ్, అగ్రికల్చర్, ఫార్మసీ ఉమ్మడి ప్రవేశ పరీక్షను ఏప్రిల్‌ 29 నుంచి మే 5 వరకు నిర్వహిస్తున్నట్టు ఉన్నత విద్యా మండలి చైర్మన్‌ ప్రొఫెసర్‌ వి. బాలకిష్టారెడ్డి వెల్లడించారు. దీంతో పాటు ఈ ఏడాది నిర్వహించే మరో ఏడు ఉమ్మడి ప్రవేశ పరీక్షల తేదీలను బుధవారం ప్రకటించారు. 

సెట్‌ కన్వీనర్లు, సెట్లను నిర్వహించే యూనివర్సిటీల వివరాలను ఇదివరకే ప్రకటించారు. కంప్యూటర్‌ బేస్డ్‌ పద్ధతిలో జరిగే ఈ పరీక్షలకు సంబంధించిన పూర్తి నోటిఫికేషన్‌ త్వరలో వెల్లడిస్తామని తెలిపారు.