రూ.22.7 లక్షల ఎర్రచందనం స్వాధీనం

 పుత్తూరు, న్యూస్‌లైన్: జిల్లాలో మంగళవారం రెండు వేర్వేరు చోట్ల అటవీ అధికారులు రూ.22.7లక్షల విలువజేసే ఎర్రచందనం స్వాధీనం చేసుకున్నారు. పుత్తూరు అటవీశాఖ పరిధిలోని జాతీయ రహదారిలో ఉన్న రిలయన్స్ పెట్రోల్ బంకు వద్ద మంగళవారం తెల్లవారుజామున లారీ సహా ఎర్రచందనం స్వాధీనం చేసుకున్నామని ఫారెస్టు రేంజి ఆఫీసర్ నాగరాజు వెల్లడించారు. రహస్య సమాచారం మేరకు ఫారెస్టు సెక్షన్ ఆఫీసర్ జయశంకర్ తన బృందంతో వడమాలపేట మండల పరిధిలోని అంజేరమ్మ కనుమ దిగువ భాగంలో వాహనాల తనిఖీ చేపట్టారు. తిరుపతి వైపు నుంచి చెన్నై వైపు వెళుతున్న పది టైర్ల లారీని ఆపినా ఆగకుండా వెళ్లింది. దీంతో సుమారు 6 కిలో మీటర్ల దూరం వెంబడించి పుత్తూరు బైపాస్‌లోని రిలయన్స్ పెట్రోల్ బంకు వద్ద లారీని అడ్డుకున్నారు. కాగా డ్రైవర్, క్లీనర్ పారిపోయారు. లారీలో ఉన్న రూ.15 లక్షల విలువజేసే 61 ఎర్రచందనం దుంగలు స్వాధీనం చేసుకున్నారు. ఈ మేరకు కేసు నమోదు చేసి దర్యాప్తు చేస్తున్నట్లు వివరించారు.