10 నుంచి అమెజాన్‌ గ్రేట్‌ ఇండియన్‌ ఫెస్టివల్‌

హైదరాబాద్, బిజినెస్‌ బ్యూరో: దసరా, దీపావళి సీజన్‌ సందర్భంగా భారీ ఆఫర్లు, డీల్స్‌తో ఈ నెల 10 నుంచి 15 వరకు ‘గ్రేట్‌ ఇండియన్‌ ఫెస్టివల్‌’ను నిర్వహిస్తున్నట్లు ఆన్‌లైన్‌ దిగ్గజం అమెజాన్‌ ప్రకటించింది. ఈ సారి కూడా తమ ప్రైమ్‌ కస్టమర్లకు ఈ డీల్స్‌ను, ఆఫర్లను ముందే చూసే అవకాశం ఉంటుందని తెలియజేసింది.

స్మార్ట్‌ఫోన్లు, టీవీల వంటి గృహోపకరణాలు, హోమ్‌–కిచెన్‌ ఉత్పత్తులు, ఫ్యాషన్‌ వస్తువులతో పాటు గ్రోసరీ, కన్సూమర్‌ ఎలక్ట్రానిక్‌ ఉపకరణాలు తదితరాలపై ఈ 5 రోజులూ భారీ ఆఫర్లు కొనసాగుతాయని ఈ సందర్భంగా అమెజాన్‌ తెలియజేసింది. అక్టోబరు 10న అర్ధరాత్రి 12 గంటలకు మొదలయ్యే ఈ ఫెస్టివల్‌... అక్టోబరు 15 రాత్రి 11.59కి ముగుస్తుంది. ఎస్‌బీఐ డెబిట్, క్రెడిట్‌ కార్డులతో చెల్లించేవారికి 10 శాతం డిస్కౌంట్‌ లభిస్తుంది. దీంతో పాటు అమెజాన్‌ వాలెట్‌లో సొమ్ము వేస్తే అదనంగా రూ.300 క్యాష్‌బ్యాక్‌ ఉంటుంది.