23 మెగాపిక్సెళ్ల కెమెరాతో కొత్త ఫోన్

23 మెగాపిక్సెళ్ల కెమెరాతో కొత్త ఫోన్

ఆసస్ తన జెన్‌ఫోన్ 3 సిరీస్‌లను భారతదేశంలో ఆవిష్కరించింది. టాప్ కాన్ఫిగరేషన్‌తో ఉన్న ఈ కొత్త ఫోన్ల ధరలు కాస్త ఎక్కువగానే ఉన్నాయి. జెన్‌ఫోన్ 3 డీలక్స్, జెన్‌ఫోన్ 3 అల్ట్రా, జెన్‌ఫోన్ 3 లేజర్, జెన్‌ఫోన్ 3 అనే నాలుగు మోడళ్లను ఒకేసారి ఆవిష్కరించారు. జెన్‌ఫోన్ 3, జెన్‌ఫోన్ 3 డీలక్స్, జెన్‌ఫోన్ 3 అల్ట్రా, జెన్‌ఫోన్ 3 లేజర్ ధరలు వరుసగా రూ. 21,999, రూ. 49,999,  రూ. 49,999, రూ. 18,999 చొప్పున ఉన్నాయి. జెన్‌ఫోన్ 3 అన్ని ప్రధాన ఈ కామర్స్ సైట్లలో అందుబాటులో ఇప్పటికే ఉంది. మిగిలినవి వచ్చే నెల నుంచి అందుబాటులోకి వస్తాయి.

జెన్‌ఫోన్‌ 3లో ఆండ్రాయిడ్ 6.0 మార్ష్‌మాలో ఉంది. దీనికి 5.5 అంగుళాల ఫుల్ హెచ్‌డీ డిస్‌ప్లే, దానికి గొరిల్లా గ్లాస్ రక్షణ ఉంటాయి. ఇందులో 2 గిగా హెర్ట్జ్‌ల ఆక్టా కోర్ క్వాల్‌కామ్ స్నాప్‌డ్రాగన్ 625 ప్రాసెసర్, 3 జిబి ర్యామ్, 64 జిబి ఇంటర్నల్ స్టోరేజి ఉన్నాయి. దీన్ని మైక్రో ఎస్‌డీ కార్డు ద్వారా మరింత పెంచుకోవచ్చు. వెనక కెమెరా 16 మెగాపిక్సెళ్లు, డ్యూయల్ టోన్ ఎల్‌ఈడీ ఫ్లాష్, సెల్ఫీల కోసం 8 ఎంపీ ఫ్రంట్ కెమెరా ఉన్నాయి. ఫింగర్ ప్రింట్ సెన్సర్, 4జి, ఎల్‌టీఈ, 3జి, వై-ఫై, బ్లూటూత్, జీపీఎస్, యూఎస్‌బీ టైప్ సి కనెక్టివిటీలు ఉన్నాయి. దీనికి 3000 ఎంఏహెచ్ బ్యాటరీ ఉంది.

జెన్‌ఫోన్ 3 అల్ట్రా అయితే 6.8 అంగుళాల ఫుల్‌ హెచ్‌డీ డిస్‌ప్లే, ఆక్టా కోర్ క్వాల్‌కామ్ స్నాప్‌డ్రాగన్ 625 ప్రాసెసర్, 4 జిబి ర్యామ్, 64 జిబి/128 జిబి ఇంటర్నల్ స్టోరేజి ఉన్నాయి. దీనికి ఎల్‌ఈడీ ఫ్లాష్‌తో కూడిన 23 మెగాపిక్సెళ్ల వెనక కెమెరా, 8 ఎంపీ ఫ్రంట్ కెమెరా ఉన్నాయి. 4జి, ఎల్‌టీఈ, 3జి, వై-ఫై, బ్లూటూత్, జీపీఎస్, యూఎస్‌బీ టైప్ సి కనెక్టివిటీలున్నాయి.