దేశీ స్మార్ట్‌ఫోన్‌ మార్కెట్‌లోకి మరో చైనా కంపెనీ ‘ఐవోమి’!

దేశీ స్మార్ట్‌ఫోన్‌ మార్కెట్‌లోకి మరో చైనా కంపెనీ ‘ఐవోమి’!

ఈ నెలలో మార్కెట్‌లోకి ‘ఐవీ505’
న్యూఢిల్లీ: చైనాకు చెందిన ప్రముఖ ఎలక్ట్రానిక్స్‌ కంపెనీ ‘ఐవోమి’ అతి త్వరలో భారత స్మార్ట్‌ఫోన్‌ మార్కెట్‌లోకి అడుగుపెట్టనుంది. ఇది తన తొలి స్మార్ట్‌ఫోన్‌ ‘ఐవీ505’ను ఈ నెలలో మార్కెట్‌లోకి తీసుకురానుంది. దీని ధర రూ.3,999గా ఉంది. చౌక, మధ్య ధర శ్రేణిలోని స్మార్ట్‌ఫోన్లను కస్టమర్లకు అందుబాటులోకి తీసుకురావడంపైనే ప్రధానంగా దృష్టి కేంద్రీకరించామని కంపెనీ పేర్కొంది. ఈ కొత్త ఫోన్‌ జియో 4జీ సిమ్‌ కార్డును సపోర్ట్‌ చేస్తుందని తెలిపింది. ఆండ్రాయిడ్‌ మార్షమాలో ఓఎస్‌పై పనిచేసే ఈ ఫోన్‌లో ఫ్లాష్‌ చార్జ్‌ టెక్నాలజీని పొందుపరిచామని పేర్కొంది. 2019 నాటికి దేశీయంగా తయారీ యూనిట్‌ను ఏర్పాటు చేస్తామని తెలిపింది.