బ్యాంకు కార్డులు బయట పడేశారు

బ్యాంకు కార్డులు బయట పడేశారు

నెల్లూరు: కుప్పలు కుప్పలుగా బ్యాంకు కార్డులు బయట పారేసిన ఘటన నెల్లూరులో కలకలం రేపింది. ఐసీఐసీఐ బ్యాంకు చెందిన కార్డులను గుర్తు తెలియని వ్యక్తులు బస్తాల్లో తెచ్చి కుప్పగా పారబోశారు. కార్డులపై ఫోటోలు కూడా ఉన్నాయి. ఇవి ఏటీఎం కార్డులా, కాదా అనేది వెల్లడికాలేదు.

నోట్ల రద్దు తర్వాత తలెత్తిన పరిణామాలే కార్డులు పారేయడానికి కారణమా, తయారీలో తలెత్తిన లోపం వల్ల ఇక్కడ పడేశారా అనేది తెలియాల్సి వుంది. బ్యాంకు అధికారులు ఘటనా స్థలానికి చేరుకుని కార్డులను పరిశీలిస్తున్నారు. ఈ వ్యవహారంపై పోలీసులకు ఎటువంటి ఫిర్యాదు అందలేదు. అయితే ఈ కార్డులను ఎవరు పడేసి ఉంటారనే దాని గురించి స్థానికులు ఆరా తీస్తున్నారు.