వివాహేతర సంబంధాలతో అనర్థాలు

విజయనగరం టౌన్‌ : వివాహేతర సంబంధాలతో సంసారంలో చిచ్చు పెట్టుకోవద్దని, జీవిత భాగస్వామితో నిజాయితీగా కాపురం సాగించాలని సైకాలిజిస్టు ఎన్‌వీఎస్‌ సూర్యనారాయణ పిలుపునిచ్చారు. స్థానిక మహిళా పోలీస్‌స్టేషన్‌లో హౌస్‌ ఆఫీసర్‌ డీఎస్పీ కె. కుమారస్వామి ఆధ్వర్యంలో శనివారం పలు జంటలకు ఫ్యామిలీ కౌన్సెలింగ్‌ నిర్వహించారు. ఈ సందర్భంగా సూర్యనారాయణ మాట్లాడుతూ.. వివాహానంతరం ఏమైనా సమస్యలు వస్తే సంప్రదింపుల ద్వారా పరిష్కరించుకొని ఒకరిపై ఒకరు సదాభిప్రాయాన్ని పెంపొందించుకొని సుఖమయ వైవాహిక జీవితాన్ని సాగించాలన్నారు. ఈ కార్యక్రమంలో సామాజిక కార్యకర్త గంటా హైమావతి, మహిళా సైకాలిజిస్టు హిమబిందు, ఏఎస్సై కృష్ణ, హెచ్‌సీ బీవీ రమణయ్య, మూర్తి సిబ్బంది పాల్గొన్నారు.