ఇన్‌స్టంట్‌ కేర్‌

ఉద్యోగాల్లో ఉన్న వాళ్లకు చర్మ సంరక్షణ కోసం ఎక్కువ సమయం కేటాయించడం కష్టమే. ఆ లోటును రోజ్‌ వాటర్‌ భర్తీ చేస్తుంది. పన్నీరు ఇన్‌స్టంట్‌గా పని చేస్తుంది. ఇది నాచురల్‌ క్లెన్సర్, స్కిన్‌ టోనర్‌గా కూడా పని చేస్తుంది. పన్నీటిలో దూదిని ముంచి ముఖాన్ని తుడిస్తే సన్‌బర్న్, యాక్నె సమస్యలు తగ్గుతాయి. ఎండాకాలం దేహానికి చల్లదనాన్నిస్తుంది ∙శీతాకాలంలో సాధారణంగానే నీటిని తక్కువ తాగుతాం. దాని వల్ల చర్మం తేమను కోల్పోతుంది. ఆ సమస్యకు కూడా పన్నీరు రాయడం ఓ పరిష్కారం

పన్నీరు చర్మాన్ని మృదువుగా ఉంచి సాగేగుణాన్ని కోల్పోకుండా కాపాడుతుంది. ఇది అన్ని రకాల చర్మతత్త్వాలకు చక్కగా పని చేస్తుంది. చర్మానికి కవర్‌గా పని చేసి వాతావరణంలోని మార్పుల ప్రభావం నుంచి కాపాడుతుంది. రోజుకోసారి పన్నీటిని అప్లై చేస్తే మంచిది.