నిలవనివ్వదు... నడవనివ్వదు...

నిలవనివ్వదు... నడవనివ్వదు...

మెడిక్షనరీ

అరుదుగా వచ్చే ఈ జబ్బు మనిషిని స్థిరంగా నిలవనివ్వదు... సరిగా నడవనివ్వదు. ‘అటాక్సియా’ అని పిలిచే ఈ జబ్బు మెదడులో తలెత్తే లోపాల కారణంగా వస్తుంది. ఈ జబ్బు మొదలైతే రోగులు స్థిరంగా నిల్చోవడానికి కూడా కష్టపడాల్సిన పరిస్థితి తలెత్తుతుంది. నడిచేటప్పుడు ఆచి తూచి బ్యాలెన్స్ చేసుకోవాల్సి వస్తుంది.

ఈ జబ్బు సోకిన వారిలో ఆటోమేటిక్‌గా పనిచేసే కండరాలు సమన్వయం కోల్పోతాయి. కొందరికి ఈ జబ్బు జన్యుపరంగా వస్తుంది. ఇంకొందరిలో స్ట్రోక్ వచ్చిన తర్వాత లేదా మెదడుకు గాయమైనప్పుడు వస్తుంది. ఇతర వ్యాధుల కారణంగా మెదడు దెబ్బతిన్నప్పుడు కూడా వస్తుంది.