క్యూట్ రంగోలీస్

క్యూట్ రంగోలీస్

 మునివేళ్లను కీ బోర్డ్ మీద ఆడించడమే కాదు.. ముగ్గులనూ వేయగలం అని నిరూపించారు ఐటీ ఉద్యోగినులు. లైన్ బై లైన్ కోడింగ్ రాయడంలోనే కాదు.. లెక్కకు మించి వరుసల్లో.. ఉన్న చుక్కలన్నింటినీ కలిపేసి.. అందమైన రంగవల్లులుగా
 తీర్చిదిద్ది వహ్వా అనిపించారు. ఈ ముగ్గుల పండుగకునానక్‌రామ్‌గూడ ఫైనాన్షియల్ డిస్ట్రిక్ట్ ప్రాంతంలోని క్యూసిటీ వేదికైంది. శుక్రవారం నిర్వహించిన రంగోలి పోటీల్లో క్యూసిటీ భవనంలోని టీసీఎస్, డీఎస్‌టీ, ఇన్‌ఫార్, ఇన్నోమైండ్స్, పీబీ సిస్టమ్స్ తదితర కంపెనీలలో పనిచేసే విమెన్ టెకీలు, ఐటీ కన్సల్టెంట్స్.. ఉత్సాహంగా పాల్గొన్నారు. క్యూసిటీ ఆవరణ ను ముగ్గులతో నింపేశారు. రసాయనాలు లేని సహజమైన రంగులను వాడి ఆ ముగ్గులను ముస్తాబు చేశారు. ఇన్‌ఫార్, ఇన్నోమైండ్స్, డీఎస్టీ, టీసీఎస్ ఉద్యోగినులు  పోటీలో విజేతలుగా నిలిచారు.
 - రాయదుర్గం