TV
కోదాడరూరల్: నల్లగొండ జిల్లా కోదాడ మండలం నల్లబండగూడెం సమీపంలో జాతీయ రహదారిపై జరిగిన ప్రమాదంలో 8 మంది గాయపడ్డారు. నల్లబండగూడెం గ్రామానికి చెందిన 10 మంది కూలీలు మంగళవారం విజయవాడ సమీపంలోని ఫ్యాక్టరీలో పనులు చేసేందుకు బయలుదేరారు.
వారి ఆటో రోడ్డును క్రాస్ చేస్తుండగా హైదరాబాద్ వైపు నుంచి వేగంగా వచ్చిన కారు ఢీ కొట్టింది. ఈ ఘటనలో ఆటోలోని 8 మంది గాయపడగా వారిలో ఇద్దరి పరిస్థితి విషమంగా ఉంది. క్షతగాత్రులను కోదాడలోని ఓ ప్రైవేట్ ఆస్పత్రికి తరలించారు. ప్రమాదానికి కారణమైన కారు చిత్తూరు జిల్లాకు చెందిన ఓ ఎస్సై కారుగా చెబుతున్నారు. పోలీసులు విచారణ చేపట్టారు.
