TV
హైకోర్టులో గవర్నర్ అధికారాలపై పిటిషన్ కొట్టివేత
హైదరాబాద్: హైదరాబాద్‌పై గవర్నర్ అధికారాలను సవాల్ చేస్తూ దాఖలు చేసిన పిటిషన్ను హైకోర్టు కొట్టివేసింది. ఉమ్మడి రాజధానిగా ఉన్న హైదరాబాద్ శాంతిభద్రతలకు సంబంధించిన అధికారాలు గవర్నర్కు అప్పగిస్తూ కేంద్రం ఉత్తర్వులు జారీ చేసిన విషయం తెలిసిందే. అయితే తెలంగాణ ప్రభుత్వంతోపాటు ఈ రాష్ట్రానికి చెందిన వారు దీనిని వ్యతిరేకిస్తున్నారు.
ఈ నేపధ్యంలో ఈ అధికారాలను సవాల్ చేస్తూ న్యాయవాది గంధం మోహన్‌రావు హైకోర్టులో పిటిషన్ దాఖలు చేశారు. ఈ పిటిషన్ను పరిశీలించిన హైకోర్టు దానిని కొట్టివేసింది. అయితే దానిని ప్రజాప్రయోజన వ్యాజ్యం (పిల్‌)గా దాఖలు చేయాలని కోర్టు పిటిషనర్‌కు సూచించింది. పిటిషన్ను మోహన్‌రావు ఉపసంహరించుకున్నారు.
