TV
లఖీం పురా: ప్రాణంలో ప్రాణంగా.. శ్వాసలో శ్వాసగా దాదాపు నూరేళ్లు కలిసి బతికిన ఓ జంట, మరణంలోనూ తోడుగానే ఉంటామంటూ ఈ లోకాన్ని వీడడంతో గ్రామస్తులంతా కన్నీరు మున్నీరయ్యారు. కులమతాలకతీతంగా గ్రామస్తులంతా ఏకమై ఆ అరుదైన జంటకు చాలా గౌరవమైన, ఘనమైన వీడ్కోలు పలికారు.
లక్ష్మీపూర్ ఖేరి గ్రామానికి చెందిన రాధిక, ఫకీరా దాదాపు నూరేళ్ల క్రితం పెళ్లి చేసుకున్నారు. ఇపుడు వారి వయస్సు ఒకరికి 107, మరొకరికి 103 . నిండు నూరేళ్ల సావాసంలా దాదాపు వందేళ్ల వైవాహిక జీవితాన్ని సాగించిన ఆ జంట శనివారం మరణించారు. భార్య రాధిక గుండెపోటుతో మరణించడడంతో.. తట్టుకోలేని భర్త ఫకీరా కూడా తుదిశ్వాస విడిచాడు. దీంతో ఆ శతాధిక వృద్ధ దంపతుల దహన సంస్కారాలను గ్రామస్తులు ఘనంగా నిర్వహించారు.
