అమితాబ్ బచ్చన్ అరుదైన ఘనత

అమితాబ్ బచ్చన్ అరుదైన ఘనత

ముంబై: బాలీవుడ్ సూపర్ స్టార్ అమితాబ్ బచ్చన్ అరుదైన ఘనత సాధించారు. సామాజిక సంబంధాల వెబ్సైట్లలో చురుగ్గా వ్యహరిస్తున్న బిగ్ బీ మరో మైలురాయి అందుకున్నారు. ట్విటర్లో 70 లక్షల మార్కును అధిగమించారు. బాలీవుడ్లో యాక్టివ్ బ్లాగర్గా ఉన్న ఆయనను అనుసరిస్తున్న వారి సంఖ్య  70 లక్షలు దాటింది. ఈ సందర్భంగా తన అభిమానులకు అమితాబ్ ధన్యవాదాలు తెలిపారు.

'ట్విటర్లో నన్ను అనుసరిస్తున్న వారి సంఖ్య 70 లక్షల దాటింది. మీ అందరికీ కృతజ్ఞతలు' అంటూ అమితాబ్ ట్విట్ పోస్ట్ చేశారు. అమితాబ్ ఇప్పటివరకు 26,856 ట్వీట్స్ పెట్టారు. 840 మందిని ఆయన అనుసరిస్తున్నారు. తన అభిప్రాయాలను అభిమానులతో పంచుకునేందుకు ట్విటర్ను ఆయన వేదిక చేసుకున్నారు. ప్రత్యేక సందర్భాల్లో శుభాకాంక్షలు, అభినందన సందేశాలు కూడా ట్విటర్ ద్వారానే అమితాబ్ తెలుపుతున్నారు.