బాలీవుడ్ కాదు... హోలీవుడ్

తెలుపు, నలుపు, ఎరుపు, పసుపు, పచ్చ... ఇవన్నీ కేవలం రంగులే కాదు. మనిషి జీవితంలోని వివిధ అనుభూతులకు సంకేతాలు. తెలుపు అంటే  శాంతి. నలుపు అంటే బాధ, ఎరుపు అంటే ఆకలి, పసుపు అంటే పవిత్రత. పచ్చ అంటే సౌభాగ్యం. మొత్తంగా మనిషి జీవితం ఇదే. ‘హోలీ’ పండగ సారాంశం కూడా ఇదే. కుల, మత, ప్రాంతరహితంగా వయోభేదం సంబంధం లేకుండా అందరికీ ఇష్టమైన పండగలు కొన్ని ఉంటాయి. అలాంటి పండగల్లో హోలీ కూడా ఒకటి. ఈ పండగ సందడి అలా ఉంటుంది మరి. అయితే... ఇది జనాలు జరుపుకోవడం ఒక ఎత్తు. సినీ తారలు జరుపుకోవడం మరొక ఎత్తు.  ఇక బాలీవుడ్‌లో అయితే... సరేసరి. వీలైతే షూటింగుల్ని కూడా పక్కనపెట్టేసి, ఓ పనిగా జరుపుకుంటుంటారు అక్కడి సెలబ్రిటీస్. ‘రంగు పడుద్ది’ అనే రేంజ్‌లో ఉంటుంది ముంబయ్‌లో వీరి హంగామా. అదేంటో చూడండి.