బాలీవుడ్ నటులకు అవార్డుల పంట

 శృంగార, హాస్య పాత్రల్లో ప్రేక్షకులను మెప్పించే విధంగా ఉత్తమ నటన కనబరిచిన బాలీవుడ్ నటి దీపికా పదుకొనేకు మూడు బిగ్ స్టార్ ఎంటర్‌టైన్‌మెంట్ అవార్డులు దక్కాయి. రిలయన్స్ బ్రాడ్‌కాస్ట్ నెట్‌వర్క్ ప్రైవేట్ లిమిటెడ్ ఆధ్వర్యంలో నాలుగో ఎడిషన్ బిగ్ స్టార్ ఎంటర్‌టైన్‌మెంట్ అవార్డుల ప్రధాన కార్యక్రమం జరిగింది. భారత సినిమాల్లో అత్యుత్తమ నటన కనబరిచిన నటులకు అవార్డులు ప్రదానం చేశారు. ఈ ఏడాది నాలుగు సినిమాల్లో హిట్ కొట్టిన పదుకొనే ‘చెన్నై ఎక్స్‌ప్రెస్’ సినిమాకు మహిళా విభాగంలో మోస్ట్ ఎంటర్‌టైనింగ్ యాక్టర్ అవార్డును సొంతం చేసుకుంది. ఇదే కేటగిరీ పురుషుల విభాగంలో భాగ్ మిల్కా భాగ్ సినిమాకు ఫర్హన్ అక్తర్ అవార్డును దక్కించుకున్నాడు.