TV
మూడేళ్ల తర్వాత ఆ బేనర్లో...!
‘బాజీరావ్ మస్తానీ’ తర్వాత హిందీలో దీపికా పదుకొనే వేరే చిత్రాలు ఒప్పుకో లేదు. హాలీవుడ్ చిత్రం ‘త్రిబులెక్స్: రిటర్న్ ఆఫ్ గ్జాండర్‌కేజ్’ సినిమా చేస్తూ, బిజీగా ఉన్నారామె. ఇది చేస్తుండగానే మరో హాలీవుడ్ చిత్రానికి అవకాశం వచ్చిందనే వార్త ప్రచారమవుతోంది. దాంతో ఈ ఏడాదంతా ఆమె బాలీవుడ్‌కి దూరంగా ఉంటారని చాలామంది భావించారు. అయితే, హిందీలో దీపిక ఓ చిత్రం చేయనున్నారు. గతంలో కరణ్ జోహార్ నిర్మించిన ‘ఏ జవాని హై దివాని’ చిత్రంలో నటించిన దీపిక మళ్లీ ధర్మ ప్రొడక్షన్స్‌లో నటించనున్నారు. ఈ విషయాన్ని దర్శక, నిర్మాత కరణ్‌జోహార్ తన ట్విటర్ ద్వారా ప్రకటించారు. దాదాపు మూడేళ్ల తర్వాత ఈ సంస్థలో దీపిక చేయనున్న చిత్రం ఇదే.
