ఎవరేమనుకున్నా ఇది సత్యం!

 

  ఈ సందర్భంగా ఆమిర్ మాట్లాడుతూ -‘‘ ‘సత్యమేవ జయతే’ ఓ ప్రయోజనాత్మక కార్యక్రమం. అది ఎవరూ కాదనలేని విషయం. నేనీ ప్రోగ్రామ్ డబ్బులు తీసుకోకుండా చేయడంలేదు. ఎందుకంటే, ఇది నా జాబ్. ఎక్కువ డబ్బులు తీసుకుని చెడ్డ పనులు చేసే బదులు తక్కువ డబ్బుకి మంచి పని చేయొచ్చనుకున్నాను. ఈ షో ద్వారా నాకు లభించే ఆర్థిక సంతృప్తి గురించి పక్కన పెడితే, ఆత్మసంతృప్తి మాత్రం మెండుగా ఉంది. వాణిజ్య ప్రకటనల్లో నటిస్తే వచ్చే డబ్బుతో పోల్చితే, ఈ షోకి నేను తీసుకుంటున్నది చాలా చాలా తక్కువ. మొత్తం ఏడాదంతా ఈ షోకి కేటాయించేశాను. డబ్బే ప్రధానం అనుకుంటే సినిమాలు, వాణిజ్య ప్రకటనలు చేసేవాణ్ణి. కానీ, ‘సత్యమేవ జయతే’ని డబ్బుతో ముడిపెట్టడం ఇష్టం లేదు. నా సంపాదన తగ్గినా ఫర్వాలేదనుకున్నా. ఎవరేమనుకున్నా ఇది సత్యం’’ అన్నారు.