మరో ఆసక్తికర పాత్రలో నిత్య

కెరీర్ స్టార్టింగ్ నుంచి విలక్షణ పాత్రలతో తనకంటూ ప్రత్యేక గుర్తింపు తెచ్చుకున్న మలయాళీ ముద్దుగుమ్మ నిత్యమీనన్. ఇటీవల ఆచితూచి సినిమాలు చేస్తున్న ఈ ముద్దుగుమ్మ తిరిగి ఫాంలోకి వచ్చేందుకు రెడీ అవుతోంది. ఇప్పటికే నాని నిర్మాతగా మారి రూపొందిస్తున్న అ! సినిమాలో కీలక పాత్రలో నటిస్తోంది ఈ బ్యూటి. ఈ సినిమా తరువాత బహు భాషా చిత్రంగా తెరకెక్కనున్న ఓ ఆసక్తికర చిత్రంలో నటించేందుకు అంగీకరించింది.

సినిమాటోగ్రాఫర్ నిజార్ షఫీ దర్శకుడిగా మారి రూపొందిస్తున్న సినిమాలో నిత్యమీనన్ కీలక పాత్ర పోషించనుందట. ముందుగా ఈ పాత్రకు అంజలిని తీసుకున్నారన్న ప్రచారం జరిగినా.. చిత్రయూనిట్ నిత్య మీనన్ రను తీసకునేందుకు ఇంట్రస్ట్ చూపిస్తున్నారన్న ప్రచారం జరుగుతోంది. ఇప్పటికే కథ విన్న నిత్య, ఈ సినిమాలో నటించేందుకు సుముఖంగానే ఉందన్న టాక్ వినిపిస్తోంది. నలుగురు హీరోయిన్లు నటించనున్న ఈ సినిమాలో ఇతర పాత్రల్లో అనీషా ఆంబ్రోస్, అదితి ఆర్య, నందిత శ్వేతలు నటించనున్నారు.