సమ్మర్‌లో సాహో?

ప్రభాస్‌

హాటైన సమ్మర్‌లో దీటైన యాక్షన్‌తో థియేటర్‌లోకి వచ్చి ఆడియన్స్‌ను కూల్‌ చేయాలనుకుంటున్నారట ‘సాహో’ టీమ్‌. ప్రభాస్‌ హీరోగా సుజీత్‌ దర్శకత్వంలో యూవీ క్రియేషన్స్‌ పతాకంపై వంశీ, ప్రమోద్‌లు నిర్మిస్తున్న సినిమా ‘సాహో’. తెలుగు, తమిళం, హిందీ భాషల్లో రూపొందుతోన్న ఈ సినిమాలో శ్రద్ధా కపూర్‌ కథానాయిక. ప్రస్తుతం ఈ సినిమాలో కీలకమైన మూడో షెడ్యూల్‌ హైదరాబాద్‌లో జరుగుతోంది. గతేడాది ‘బాహుబలి–2’ రిలీజ్‌ టైమ్‌లో ‘సాహో’ టీజర్‌ను రిలీజ్‌ చేశారు. ‘ఇన్‌ థియేటర్స్‌ 2018’ అని టీజర్‌ చివర్లో వస్తుంది.

కానీ, ఈ సినిమా ఈ ఏడాది ప్రేక్షకుల ముందుకు రాదని ఆల్రెడీ చిత్రబృందం పేర్కొంది. మరి రిలీజ్‌ ఎప్పుడు? అంటే వచ్చే ఏడాది ఏప్రిల్‌ లాస్ట్‌ వీక్‌లో అనే వార్తలు వినిపిస్తున్నాయి. ‘బాహుబలి –2’ కూడా ఏప్రిల్‌ 28న విడుదలైంది. సో.. ఈ సెంటిమెంట్‌గా కూడా ఆలోచిస్తున్నారట టీమ్‌. గత ఏడాది ప్రభాస్‌ బర్త్‌ డే సందర్భగా ‘సాహో’ ఫస్ట్‌ లుక్‌ రిలీజ్‌ అయ్యింది. ఈ ఏడాది బర్త్‌డేకి సెకండ్‌ టీజర్‌ విడుదల కానుందన్న ప్రచారం జరుగుతోంది. అరుణ్‌ విజయ్, నీల్‌ నితిన్‌ ముఖేష్, ఎవెలిన్‌ శర్మ, మురళీ శర్మ నటిస్తున్న ఈ చిత్రానికి బాలీవుడ్‌ త్రయం శంకర్‌–ఎహాసన్‌–లాయ్‌ సంగీతం అందిస్తున్నారు.