TV
ఆన్ లైన్‌ లో రజనీకాంత్ 'కోచడయాన్' పాట హల్ చల్
తమిళ సూపర్ స్టార్ రజనీకాంత్ నటించిన 'కోచడయాన్' చిత్రంలోని తొలిపాట ఆన్లైన్లో హల్చల్ చేస్తోంది. ఎస్పీ బాలసుబ్రమణ్యం పాడిన 'ఎంగె పొగుదో వానమ్' పాటను సోమవారం విడుదల చేశారు. ఈ పాటను వైరముత్తు రచించగా, ప్రఖ్యాత సంగీత దర్శకుడు ఎ.ఆర్.రెహ్మాన్ స్వరాలు అందించారు. రజనీపై ఎనర్జిటిక్గా రూపొందించిన ఈ గీతానికి రెహ్మాన్ మెలోడీ టచ్ ఇచ్చి అద్భుతంగా రూపొందించారు.
రజనీకాంత్ చిత్రానికి రెహ్మాన్ సంగీతమందించడమిది ఆరోసారి. ఈ చిత్రంలో రజనీ సరసన బాలీవుడ్ హీరోయిన్ దీపికా పదుకొనే నటించారు. ఈ చిత్రం ఇంగ్లీష్, హిందీ, తెలుగు, తమిళం, రష్యా, జపాన్, చైనా భాషలలో విడుదలవుతోంది. ఈ చిత్రాన్ని 3డిలో ఆధునిక సాంకేతిక పరిజ్ఞానంతో అద్భుతంగా నిర్మిస్తున్నారు.
