TV
బుద్వాన్: పశ్చిమబెంగాల్ బుద్వాన్ జిల్లాలో కల్నా సమీపంలోని భగీరథీ నదిలో శనివారం రాత్రి పడవ బోల్తా పడింది. ఈ ప్రమాదంలో ఐదుగురు గల్లంతయ్యారు. ఈ మేరకు జిల్లా ఎస్పీ గౌరబ్ శర్మ వెల్లడించారు. కల్నాలో జరిగిన ఉత్సవాల్లో పాల్గొని వారంతా నడియా జిల్లాలో శాంతిపూర్ తిరిగి వెళ్తుండగా ఈ ప్రమాదం జరిగిందని చెప్పారు.
ఈ ప్రమాదం జరిగిన సమయంలో పడవలో చాలా మంది ఉన్నారని... వారిలో చాలా మంది ఈదుకుంటూ ఒడ్డుకు చేరుకున్నారని తెలిపారు. గల్లంతైన వారి కోసం సహాయక చర్యలు కొనసాగుతున్నాయని తెలిపారు.
