TV
నీకైనా నాకైనా
కవిత
రెండు చీకటి గర్భాల మధ్య
వంతెన ప్రయాణం
జీవితం
చేరే గర్భం ఒకటయినా
చేర్చే గర్భం వేరు
వంతెనలూ వేరే
వాడి పొడవులు మరీ వేరు
ఒడి నుంచి దించి
వంతెన ఎక్కించి
ఊపిరి పీల్చుకుంటుంది ఒకటి
వంతెన చివర్లో
సహస్ర హస్తాలతో
తన ఒడిని చాపి
వేచి చూస్తుంది ఇంకొకటి
నువ్వో నేనో ఎవరైనా
అప్రయత్నంగా ఆశ్చర్యంగా
ముందే చేరొచ్చు
ఎందుకు అలా అంటే
నీకైనా నాకైనా
జవాబు దొరకదు
అదంతే
ముకుంద రామారావు
ఫోన్: 9908347273.
