TV
హరికృష్ణకు వరుసగా ఆరో ‘డ్రా’
టాటా స్టీల్‌ మాస్టర్స్‌ అంతర్జాతీయ చెస్‌ టోర్నమెంట్‌లో ఆంధ్రప్రదేశ్‌ గ్రాండ్‌మాస్టర్‌ పెంటేల హరికృష్ణ ఖాతాలో వరుసగా ఆరో ‘డ్రా’ చేరింది. నెదర్లాండ్‌్సలోని విక్‌ ఆన్ జీ నగరంలో జరుగుతున్న ఈ టోర్నీలో శుక్రవారం అనీష్‌ గిరి (నెదర్లాండ్‌్స)తో జరిగిన 11వ రౌండ్‌ గేమ్‌లో నల్లపావులతో ఆడిన హరికృష్ణ 36 ఎత్తుల్లో ‘డ్రా’ చేసుకున్నాడు. 14 మంది గ్రాండ్‌మాస్టర్లు తలపడుతున్న ఈ టోర్నీలో 11వ రౌండ్‌ తర్వాత హరికృష్ణ 5.5 పాయింట్లతో ఎనిమిదో స్థానంలో ఉన్నాడు. ఈ టోర్నీలో మరో రెండు రౌండ్‌లు మిగిలి ఉన్నాయి.
