గదగ్‌లో వింత శిశువు జననం, మృతి

మత్స్య ఆకారంలో శిశువు కింది భాగం

యశవంతపుర : అపరూపమైన శిశువు జన్మించిన ఘటన కర్ణాటకలో జరిగింది. గదగ జిల్లా రోణ తాలూకా బెళవణికి ప్రభుత్వ ఆస్పత్రిలో సోమవారం రాత్రి విచిత్రమైన శిశువుకు ఓ తల్లీ జన్మనిచ్చింది. వింతగా జన్మించిన ఈ శిశువు మత్స్యరూపంగా చెబుతున్నారు. బెళవణికి ప్రభుత్వ ఆస్పత్రిలో జన్మించిన శిశువుకు రెండు కాళ్లు ఒక కాలులా జోడించి పుట్టడం ప్రపంచంలోనే ఒక వింతగా ఉందని వైద్యులు తెలిపారు. జన్మించిన మూడు గంటల్లోనే ఈ శిశువు మరణించింది. శిశువు మరణించటంతో సోమవారం రాత్రి కుటుంబసభ్యులు అంత్యక్రియలు చేశారు. ఇలాంటి ఆకృతితో శిశువులు జన్మించినా బతకటం కష్టమని వైద్యులు తెలిపారు.