ఆ ఐదు రోజుల్లో ట్రంప్ యాడ్స్ ఖర్చెంతో తెలుసా?

అమెరికా అధ్యక్ష ఎన్నికలు సమీపిస్తున్న కొద్దీ వైట్‌ హౌస్‌ ఫైట్ చాలా టైట్గా మారింది. కీలక రాష్ట్రాల్లో ఎంతటి ఖర్చులునైనా పెట్టడానికి ప్రత్యర్థులు వెనుకాడటం లేదు. ఈ నేపథ్యంలో రిపబ్లికన్ పార్టీ అభ్యర్థి డొనాల్డ్ ట్రంప్ క్యాంపెయిన్ హోరాహోరిగా సాగబోయే రాష్ట్రాల్లో 25 మిలియన్ డాలర్ల(రూ.166 కోట్లకు పైగా) మొత్తంలో అడ్వర్టైజ్మెంట్ స్లాట్స్ కొనుగోలు చేసినట్టు ప్రకటించింది. ఈ మేరకు నిర్ణయాన్ని డొనాల్డ్ ట్రంప్ తన మద్దతుదారులకు ఈ-మెయిల్స్ ద్వారా ప్రకటించారు.  ఆరు కీలక రాష్ట్రాలు ఫ్లోరిడా, ఓహియో, అయోవా, మైనే, నార్త్ కేరోలిన, నెవాడాల్లో తాము ముందజంలో ఉన్నట్టు ట్రంప్ క్యాంపెయిన్ పేర్కొంది. ఒకవేళ ఈ ట్రెండ్ ఇలానే కొనసాగితే, ఎన్నికల రోజు 266 ఎలక్టోరల్ ఓట్లు తమ ఖాతాలోనే పడతాయని ఆశాభావం వ్యక్తంచేసింది.